کہا یہ ان کے دانشمندانہ قدم اور وژن کی وجہ سے ہے کہ جموں و کشمیر ہندوستان کا حصہ ہے
لازوال ڈیسک
جموں//یوتھ ونگ اور این سی پی کے سینئر لیڈران نے آج یہاں سابقہ جموں و کشمیر ریاست کے آخری حکمران مہاراجہ ہری سنگھ کی سالگرہ منائی۔وہیںمہاراجہ کو بھرپور خراج تحسین پیش کرتے ہوئے تنظیم کے قومی جوائنٹ سکریٹری اور ترجمان نے ریسی کول کلم نے کہا کہ مہاراجہ ہری سنگھ اپنی اعلیٰ خوبیوں ، سیکولر کردار اور خاص طور پر تعلیم اور زراعت کے میدان میں ان کی کامیابیوں کے لیے جانے جاتے ہیں۔ ریشی نے کہا کہ مہاراجہ ہری سنگھ اپنے کاموں کے لیے احترام اور تعظیم کے مستحق ہیں۔انہوں نے مزید نے کہا کہ یہ ستم ظریفی ہے کہ بی جے پی نے مرکزی حکومت میں معاملات اور اقتدار سنبھالتے ہوئے اس دن چھٹی کا اعلان نہ کرکے ان کی سالگرہ کو نظرانداز کیا۔انہوں نے کہا مہاراجہ ہری سنگھ ایک ایسے شخص تھے جنہوں نے 1947 میں جموں و کشمیر کو ہندوستان میں ضم کیا تھا اور یہ ان کے دانشمندانہ قدم اور وژن کی وجہ سے ہے کہ جموں و کشمیر ہندوستان کا حصہ ہے اور اسے ہندوستان کا تاج کہا جاتا ہے۔
