بابر فاروق
کشتواڑ؍؍غیر قانونی شراب کی خرید و فروخت کے خلاف کارروائی کو مضبوط بنانے کے سلسلے میں ، کشتواڑ پولیس نے مغل میدان کے رحل علاقے میں بارہ لیٹر دیسی شراب ضبط کی۔مغل میدان کی پولیس پارٹی نے رحل کے نوجوانوں کو دیسی شراب کی فروخت اور خریداری کے بارے میں خصوصی اطلاع ملی ۔پولیس پوسٹ مغلمیدان میں تعینات اہلکاروں نے تیزی سے کام کرتے ہوئے ، پولیس پارٹی نے انچارج پولیس پوسٹ مغل میدان پی ایس آئی عمران خان کی قیادت میں مغل میدان کے رحل علاقے میں ایک خاص ناکہ لگایا جس دوران انہوں نے دو افراد کو روک کر بارہ لیٹر دیسی غیر قانونی شراب برآمد کی۔ گرفتار افراد کی شناخت انوپ کمار ولد دیوان چند ساکنہ دجی کھنڈول اور رنجیت کمار ولد پریم ناتھ ساکنہ کھنڈول تحصیل مغلمیدان کے طور پر ہوئی۔ اس سلسلے میں ، ایف آئی آر زیر نمبر 56/2021 دفعہ 48-(a) ایکسائز ایکٹ کے تحت پولیس تھانہ چھاترو میں درج کیا گیا ہے اور مزید تحقیقات شروع کر دی گئی۔
