استاتذہ محنت اور لگن سے کام کریں : پرنسپل کالج، ڈاکٹر وندنا گپتا
لازوال ڈیسک
راجوری// گورنمنٹ ڈگری کالج سندربنی نے ڈاکٹر سروپلی رادھا کرشنن کی سالگرہ کی یاد میں اساتذہ کا دن منایا۔وہیںاس موقع پر ، طلباء نے مختلف سرگرمیوں میں حصہ لیا اور اساتذہ کا شکریہ بھی ادا کیا کہ انہوں نے وبائی امراض کے درمیان اپنی تعلیم جاری رکھنے میں ہر ممکن مدد کی۔کالج کے فیکلٹی ممبران نے بھی طلباء کا شکریہ ادا کیا اور ان کی صلاحیتوں کو ظاہر کرنے اور پروگرام کے انعقاد پر ان کی تعریف کی۔واضح رہے ڈاکٹر سروپلی رادھاکرشنن ہندوستان کے پہلے نائب صدر (1952–1962) تھے اور ایک انتہائی معزز استاد ، فلسفی اور شاندار سیاستدان بھی تھے۔وہیںکالج کی پرنسپل ڈاکٹر وندنا گپتا نے ورچوئل موڈ کے ذریعے عظیم استاد اور رہنما ڈاکٹر سروپلی رادھا کرشنن کی کامیابیوں پر روشنی ڈالی اور اساتذہ اور طلباء کو محنت ، لگن اور راستبازی کے راستے پر چلنے کی ترغیب دی۔
