اسکول میں ڈرائینگ اور پینٹنگ مقابلے کا انعقاد
لازوال ڈیسک
راجوری // انڈین آرمی نے ضلع راجوری کی تحصیل سندربنی کے سوفا گاؤں کے گورنمنٹ پبلک سکول میں طلباء کے لیے ڈرائنگ اور پینٹنگ کا مقابلہ منعقد کیا۔جبکہ اس ایونٹ کا مقصد ان کی تخلیقی اور فنی صلاحیتوں کو ظاہر کرنے اور ان کی قدرتی صلاحیتوں کو پروان چڑھانے کے لیے ایک پلیٹ فارم مہیا کرنا تھا۔ جبکہ مقابلے کا موضوع کووڈ19 اور سوچھ بھارت ابھیان تھا۔تاہم مقابلے نے طالب علموں کو ان کے نقطہ نظر کو وسیع کرنے والے نئے آئیڈیاز کی خود تشخیص ، حوصلہ افزائی اور ترقی کرنے کے قابل بنایا۔ وہیںتقریب کے دوران بھارتی فوج نے بچوں کو پینٹنگ کے اوزار اور اسٹیشنری فراہم کی۔جبکہ مقابلے میں بڑی تعداد میں طلباء نے حصہ لیا اور انہیں انعامات سے بھی نوازا گیا۔
