طلبہ کی بڑی تعداد نے لیا حصہ ، سمسٹر اول کے سنجیل سنگھ نے پہلی پوزیشن حاصل کی
لازوال ڈیسک
جموں//گورنمنٹ ڈگری کالج اکھڑال نے آج یہاں جل شکتی ابھیان پروگرام کے تحت ‘آبی وسائل کا تحفظ’ کے عنوان پر ایک نعرہ تحریری مقابلہ منعقد کیا۔جبکہ یہ مقابلہ طلبہ برادری کو آگاہی دینے کے سلسلے میں ہونے والے ایونٹس کی سیریز کا ایک حصہ تھا۔وہیں پروگرام سے پہلے کالج کے پرنسپل ڈاکٹر رنویجے سنگھ نے آبی وسائل کی اہمیت اور ان کے تحفظ کی اشد ضرورت پر روشنی ڈالی۔ مقابلے میں کثیر تعداد میں طلبہ نے حصہ لیا۔ مقابلے میں سنجیل سنگھ سمسٹر1st کو مقابلے کا فاتح قرار دیا گیا ، جبکہ سیمسٹر 2nd کے پریتم سنگھ کو بھی اس کی بہتر کار کردگی پر سراہا گیا۔جبکہ پروگرام کے انچارج پروفیسر افتخار حسین لون تھے۔
