جموں وکشمیرمیںاب تک3,17,359مریض صحتیاب
لازوال ڈیسک
جموں؍؍حکومت نے کہا ہے کہ پچھلے چوبیس گھنٹوں کے دوران کورونا وائرس کے176نئے مثبت معاملات سامنے آئے ہیںجن میں سے80کا تعلق کشمیر صوبے سے اور 96کا تعلق جموں صوبے سے ہیں اور اِس طرح مثبت معاملات کی کل تعداد3,23,061تک پہنچ گئی ہے۔اِسی مدت کے اَندر 02کووِڈ مریضوںکی موت واقع ہوئی ہے جن کا تعلق جموں صوبہ سے ہے ۔حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ نوول کورونا وائرس کے3,23,061معاملات سامنے آئے ہیں جن میں سے1,307سرگرم معاملات ہیں۔اَب تک3,17,359اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد4,395تک پہنچ گئی ،جن میں سے 2,239کا تعلق کشمیر صوبہ سے اور2,156کاتعلق جموں صوبہ سے ہیں۔اِس دوران آج مزید164فراد شفایاب ہوئے ہیںجن میںجموں صوبے کے75افراداور کشمیر صوبے کے89اَفرادشامل ہیں۔بلیٹن میں مزید کہا گیا ہے کہ اَب تک 12,41,9,709ٹیسٹوں کے نتائج دستیاب ہوئے ہیں جن میں سے 12؍ اگست 2021ئکی شام تک12,09,6,648نمونوں کی رِپورٹ منفی پائی گئی ہے ۔علاوہ ازیں اَب تک30,15,939افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں7,209اَفراد کو گھریلو قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔1,307فراد کوآئیسولیشن میں رکھا گیا ہے جبکہ3,81,414اَفراد کو گھروں میں نگرانی میں رکھا گیا ہے۔اِسی طرح بلیٹن کے مطابق26,21,614اَفرادنے 28روزہ نگرانی مدت پوری کی ہے۔
