گشت کا مقصد کووٖڈ مثبت مریضوں کی شناخت اور لوگوں کو طبی مشورے دینا تھا : فوج
لازوال ڈیسک
راجوری// کووڈ 19 سے لڑنے کی قومی کوشش کی حمایت میں ہندوستانی فوج بھی ہر ممکن طریقے سے تعاون کر رہی ہے ، جس میں میڈیکل کٹس کی تقسیم ، دور دراز علاقوں میں آگاہی لیکچرز اور مشکل اور الگ تھلگ علاقوں میں موبائل میڈیکل ایڈ گشت چلانے شامل ہیں۔جبکہ یہ گشت کووڈمثبت مریضوں کی شناخت اور گاؤں والوں کو متعلقہ ایپ پر رجسٹر کرنے کے علاوہ طبی امداد کے حصول میں مدد دینے میں بہت کارگر ثابت ہوئے ہیں۔وہیں فوج نے اپنا طبی گشت ضلع راجوری میں کلال بھیج دیا۔ گشت ٹیم نے مقامی لوگوں کے ساتھ بات چیت کی جن میں سرپنچ اور پنچ شامل تھے۔اس دوران انہوں نے گاؤں والوں کو کووڈ 19کے دوسرے تناؤ میں پائی جانے والی علامات اور احتیاطی تدابیر پر عمل کرنے کی اہمیت کے بارے میں آگاہ کیا گیا۔جبکہ اس ایونٹ میں گھر گھر معلومات کی ترسیل مہم شامل تھی جس کے بعد 100 کوویڈ پریوینٹیو کٹس اور پمفلٹس تقسیم کیے گئے ۔
