حکومت مریضوں کی دہلیز پر معیاری خدمات کی فراہمی کے لئے پْرعزم : یاسین چودھری
یواین آئی
سرینگر؍؍جموں و کشمیر میں ڈائلیسس کی ضرورت والے گردوں کے مریضوں کو راحت پہنچانے کے لئے محکمہ صحت و طبی تعلیم نے یونین ٹریٹری کے 20 اضلاع میں ڈائلیسس سینٹر کو فعال بنایا ہے۔ایڈیشنل چیف سیکرٹری صحت و طبی تعلیم اتل ڈولو نے اس سلسلے میں ہونے والی پیش رفت کے بارے میں تفصیلات دیتے ہوئے کہا کہ یہ مرکز ڈسٹرکٹ ہسپتالوں میں قومی صحت مشن کے تحت پرائم منسٹر نیشنل ڈائلیسس پروگرام کے تحت قائم کئے گئے ہیں۔ان ہسپتالوں میں گورنمنٹ ہسپتال گاندھی نگر جموں، ڈی ایچ پونچھ، ڈی ایچ اودھم پور، ڈی ایچ کشتواڑ، ڈی ایچ رام بن، ڈی ایچ ریاسی، ڈی ایچ سانبہ، ڈی ایچ بڈگام، ڈی ایچ پلوامہ، ڈی ایچ گاندربل، ڈی ایچ شوپیاں، ڈی ایچ کولگام، ڈی ایچ بانڈی پورہ، جے ایل این ایم ہسپتال سری نگر اور ایس ڈی ایچ کپوارہ، گورنمنٹ ایسوسی ایٹڈ ہسپتالوں سے بارہمولہ، اننت ناگ، ڈوڈہ، راجوری اور کٹھوعہ میں میڈیکل کالج شامل ہیں۔انہوں نے کہا کہ این ایچ ایم کے تحت خطہ افلاس سے نیچے ( بی پی ایل) معاشی گروپ کے مریضوں کے لئے مفت ڈائلیسس سیشن منعقد کئے جاتے ہیں اور غیر بی پی ایل مریضوں کے لئے 950 روپے فی سیشن کے رعایتی نرخوں پر ضلعی ہسپتالوں میں کمیونٹی کے قریب۔انہوں نے کہا کہ این ایچ ایم کے تحت غربت کی لکیر سے نیچے (بی پی ایل) معاشی گروپ کے مریضوں کے لیے مفت ڈائلیسس سیشن منعقد کئے جاتے ہیں اور غیر بی پی ایل مریضوں کے لیے 950 روپے فی سیشن کے رعایتی نرخوں پر ضلعی ہسپتالوں میں خدمات فراہم کیا جا رہا ہے۔اتل ڈولو نے کہا کہ حکومت مریضوں کی دہلیز پر معیاری خدمات کی فراہمی کے لئے پْرعزم ہے۔مشن ڈائریکٹر این ایچ ایم یاسین چودھری نے کہا کہ اس پروگرام کے تحت کام کے بوجھ کے مطابق 5 سے 8 ڈائلیسس مشینیں ہر ڈائلیسس سینٹرمیں نصب کی گئی ہیں اور جموں و کشمیر یوٹی میں کل 125 مشینیں ہیں۔انہوں نے مزید کہا کہ اب تک ان مرکزوں میں 000 35 سے زائد ڈائلیسس سیشن ہو چکے ہیں۔
