فٹ رہنا مضبوط قوت مدافعت کی کلید ،وبائی مرض سے لڑنے کے لیے وقت کی ضرورت ہے : پروفسیر اکبر مسعود
لازوال ڈیسک
راجوری //بابا غلام شاہ بادشاہ یونیورسٹی نے ہندوستان کی 75 ویں سالگرہ منانے کے لیے سرگرمیوں کا سلسلہ شروع کیا۔وہیں آزادی کا امرت مہوتسو کے تحت ڈائریکٹریٹ آف فزیکل ایجوکیشن اینڈ سپورٹس ، بی جی ایس بی یونیورسٹی نے اسپورٹس ایونٹس کا آغاز کرتے ہوئے یونیورسٹی کے طلبا، اساتذہ اور غیر تدریسی عملے کے لیے ‘فٹ انڈیا فریڈم رن یونٹی چلائی۔جبکہ اس تقریب کا افتتاح یونیورسٹی کے وائس چانسلر پروفیسر اکبر مسعود نے کیا،جو اس تقریب کے موقع پر مہمان خصوصی تھے۔دریں اثناء تدریسی اور غیر تدریسی عملے کے ارکان اوریونیورسٹی کے طلباء نے کوویڈ 19 پروٹوکول کو برقرار رکھتے ہوئے ایونٹ میں جوش اور جذبہ کے ساتھ زبردست ردعمل دکھایا۔اس موقع پر خطاب کرتے ہوئے پروفیسر اکبر مسعود نے کہا کہ فٹ رہنا مضبوط قوت مدافعت کی کلید ہے۔جو کہ جاری کوویڈ 19 وبائی مرض سے لڑنے کے لیے وقت کی ضرورت ہے۔ٹوکیو اولمپکس میں شاندار کارکردگی پر ہندوستانی کھلاڑیوں کو مبارکباد دیتے ہوئے ، پروفیسر اکبر نے کہاکہ ہندوستان نے اولمپکس میں اپنی اب تک کی بہترین کارکردگی کو سات تمغوں کے ساتھ محدود کیا ہے ۔ پروفیسر اکبر نے کہا کہ نوجوانوں اور ملک کی خواتین کے مابین ہمارے آزادی پسندوں کے مقاصد کو حاصل کرنے کے لیے حب الوطنی کا جذبہ پروان چڑھنا چاہیے۔اس موقع پر پروفیسر جی ایم ملک ڈین ،طلباء پروفیسر آصف حسین، ڈین ایس او ای ٹی، محمد راشد چوہدری ، او ایس ڈی، سنیت گپتا ، جوائنٹ رجسٹرار سمیت دیگران نے بھی شرکت کی ۔
