مشیر بھٹناگر نے دو روزہ تقریب کے نمایاں سیشن کی صدارت کی
لازوال ڈیسک
سرینگر؍؍جموںوکشمیر یوٹی میں’’ بہتر حکمرانی کے طریقہ کار کا نقش ‘‘پر دو روزہ علاقائی کانفرنس کے بارے میں تبادلہ خیال اِختتام پذیر ہوا،یہاں ’ بہتر نظام حکومت: کشمیر علامیہ ‘ قرار داد منظور کیا گیا۔اِس تقریب کی صدارت لیفٹیننٹ گورنر کے مشیر راجیو رائے بھٹناگر نے کی جس نے سیکرٹری ڈ ی اے آر پی جی سنجے سنگھ، ایڈیشنل سیکرٹری ڈی اے آر پی جی وی سری نواس ، جوائنٹ سیکرٹری ڈی اے آر پی جی این بی ایس راجپوٹ اور ڈی جی آئی ایم پی اے آر ڈی سوربھ بھگت کی موجودگی میں ’ بہتر نظام حکومت : کشمیر علامیہ ‘ بھی جاری کیا ۔اَپنے خیالات کا اِظہار کرتے ہوئے مشیر بھٹناگر نے کہا کہ یہ کانفرنس جموںوکشمیر میں مؤثر اِنتظامیہ اور گڈ گورننس کے لئے ایجنڈا طے کرے گی۔ انہوں نے زور دے کر کہا کہ بہت سارے اچھے خیالات اور طرز عمل پہلے ہی دستیاب ہیں لیکن بات یہ ہے کہ ملک کے لوگوں کی بھلائی کے لئے اس طرح کے طریقوں کو اپنانا یا اس کی نقش تیار کرنا ہے۔مشیرموصوف نے نوجوان افسران سے کہا کہ وہ مسائل اور لوگوں کی شکایات سے نمٹنے کے دوران مسئلہ حل کرنے کا طریقہ اختیار کریں۔ انہوں نے مزید کہا کہ عوامی خدمات کی مؤثر فراہمی اور موثر آرأ کا طریقہ کار ہی اچھی حکمرانی کی کسوٹی ہے۔اپنے خطاب میں انہوں نے ڈی اے آر پی جی ٹیم سے ملاقات کی درخواست کی کہ وہ اس طرح کی کانفرنسوں کے انعقاد کے دوران باقی ملک میں جموں و کشمیر کے نوجوان افسران کو پلیٹ فارم مہیا کریں۔اپنے خیالات کا اظہار کرتے ہوئے سیکرٹری ڈی اے آر پی جی سنجے سنگھ نے کہا کہ اس کانفرنس میں انوکھے ، قابل اعتبار ، نفاذ کے اصول اور موضوعات تھے جن کو مقررین نے ان دو دنوں کے دوران تفصیل سے بیان کئے ۔ انہوں نے مزید کہا کہ یہ تبادلہ خیالات پالیسیوں کی تشکیل اور زمینی سطح پر ان کے مؤثر نفاذ کے لئے قابل قدر ہوں گے۔کانفرنس نے بعدازاں متفقہ طور پر قرارداد کی شکل میں متعدد مشوروں کو اپنایا جس کا عنوان تھا ’بہتر نظامِ حکومت: کشمیر علامیہ ‘جسے ایڈیشنل سیکرٹری ڈی اے آر پی جی وی سرینواس نے اس موقعہ پر پڑھ کر سنایا۔ ڈی اے آر پی جی حکومت کشمیر کے ساتھ مل کر ایک قومی سطح کی کانفرنس اور ایک علاقائی کانفرنس 2021-22کے دوران میں تعاون کرے گی۔صبح کی نشست کے دوران جموں و کشمیر میں انتظامی اختراعات پرکووِڈ۔19وبائی مینجمنٹ اور آیوشمان بھارت کے ایڈیشنل چیف سیکرٹری صحت و طبی تعلیم اَتل ڈولو، پرنسپل سیکرٹری اطلاعات روہت کنسل اور پنچایتی راج جیسے موضوعات پر زنٹیشن پیش کی گئیں۔ اس سیشن کی صدارت فائنانشل کمشنر ،ایڈیشنل چیف سیکرٹری صحت و طبی تعلیم اتل ڈولو نے کی۔یکم جولائی کو دو روزہ ریجنل کانفرنس کا افتتاح مرکزی وزیر مملکت ، پی ایم او ،پرسنل، پبلک گریوینس اینڈ پنشنز، ڈاکٹر جتیندر سنگھ نے جموں وکشمیر یوٹی کے لیفٹیننٹ گورنر منوج سنہا کی موجودگی میں کیا۔اس کانفرنس کا انعقاد حکومت جموں و کشمیر کے اشتراک سے انتظامی اصلاحات اور عوامی شکایات (ڈی اے آر پی جی) ، حکومت ہند نے کیا تھا۔یہ کانفرنس قومی اور ریاستی سطح کی تنظیموں کو اسی پلیٹ فارم پر لانے کے مقصد کے ساتھ ترتیب دی گئی تھی تاکہ انتظامی انوویشنز ، فلاحی پروگراموں ، ڈیجیٹل گورننس ، سٹیزن سینٹرک گورننس اور کپسٹی بلڈنگ اور پرسنل ایڈمنسٹریشن وغیرہ میں تجربات بانٹ سکیں۔دو روزہ کانفرنس کے افسران میں 10 ریاستوں اور یوٹیوںکے 700 سے زائد مندوبین اور افسران نے ذاتی طور پر اور بذریعہ ورچیول موڈ شرکت کی۔
