دیپک شرما
کشتواڑ ؍؍کشتواڑ میں محکمہ ایکسایز کی طرف سے نشہ مکت کشتواڑکو لیکر کام تیزی سے شروع کر دیا ہے اور اس دوران کشتواڑ کے کلید ، سنگرام بھاٹہ ، اشتیاق پٹرول پمپ کے سامنے سے بنگ کو اکھاڑ دیا۔ اس دوران کشتواڑ میں تعینات ایکسایز ملازمین انسپکٹر توصیف وانی ، سب انسپکٹر توسیف کمال نے مزدور لگا کر بنگ کو اکھاڑنے کا کام شروع کر دیا ہے ۔اس موقعہ پر انسپکٹر توصیف وانی نے کہا کہ کشتواڑ میں کچی بنگ ابھی بن ہی رہی ہے اور آنے والے وقت میں کشتواڑ کے چند لوگ نشہ میں ملوث ہیں جو بھنگ کا چرس نکال کر نشہ کرتے ہیں۔ مزید کہا کہ ڈپٹی کمشنر کشتواڑ اشوک شرما نے ہدایت جاری کی تھی کہ بھنگ کو پورے کشتواڑ سے ختم کیا جائے اور انہی کے حکم نامہ پر ایکسایز محکمہ نے کام شروع کر دیا ہے اور یہ مہم دو مہینہ کشتواڑ میں چلے گی۔
