جموں// ضلع راجوری کے سندر بنی تحصیل کے ددال علاقے میں ہونے والے ایک پراسرار فائرنگ کے واقعے میں ایک فوجی اہلکار زخمی ہوا ہے۔
ایک فوجی ترجمان نے اپنے ایک بیان میں بتایا کہ سیکورٹی فورسز نے منگل اور بدھ کی درمیانی رات سندر بنی کے ددال علاقے کو محاصرے میں لے لیا اس دوران وہاں گولیوں کا تبادلہ ہوا جس میں ایک فوجی جوان زخمی ہو گیا۔
انہوں نے کہا کہ زخمی فوجی جوان کوعلاج و معالجے کے لئے ہسپتال منتقل کیا گیا ہے۔
ان کا مزید کہنا تھا کہ مشکوک نقل و حمل کی اطلاعات موصول ہونے پر ددال علاقے کو محاصرے میں لے لیا گیا تھا۔
بتا دیں کہ ددال گاؤں لائن آف کنٹرول کے ساتھ واقع ہے۔
