نئی دہلی // کانگریس پٹرول اور ڈیزل کی قیمتوں میں غیر معمولی بڑھتی ہوئی قیمتوں کے خلاف جمعہ کو ملک بھر میں احتجاج کرکے حکومت سے فی الفور اضافہ واپس لینے کا مطالبہ کرےگی۔
کانگریس کے جنرل سکریٹری آرگنائزیشن کے سی وینوگوپال نے بدھ کے روز یہاں ایک بیان میں بتایا ہے کہ پارٹی کارکن جمعہ (11 جون) کو ملک بھر میں پٹرول پمپوں کے سامنے علامتی احتجاج کریں گے اور پیٹرول-ڈیزل-کھانا پکانے گیس کی قیمتوں میں غیر معمولی اضافہ، اقتصادی سست روی ، بڑھتی ہوئی بے روزگاری اور تمام ضروری اشیا کی آسمان چھوتی قیمتوں ہونے والی ہریشانیوں کی طرف حکومت کی توجہ مبذول کروائے گی۔
انہوں نے کہا کہ پارٹی کارکن احتجاج کے دوران تجویز کردہکووڈ۔19 پروٹوکول کی سختی سے پیروی کریں گے۔ مظاہرے کے دوران عوامی جلسے نہیں کیے جائیں گے اور پارٹی کارکن مظاہرے کے دوران ماسک پہننے ، معاشرتی فاصلے جیسے قوانین پر سختی سے عمل کریں گے۔
مسٹر وینگوپال نے کہا کہ مرکز میں بی جے پی حکومت کی غلط پالیسیوں کی وجہ سے ، ملک کے عوام پچھلے 15 مہینوں سے کووڈ 19 کے قہر کا مقابلہ کر رہے ہیں۔ لوگوں کو صحیح وقت پر ادویات اور صحت کی سہولیات میسر نہیں آرہی ہیں اور دوسری طرف معیشت گرنے اور روزگار کم ہونے کی وجہ سے لوگ بھی بہت پریشان ہیں۔
