ملکی سیاحوں کی آمدمیںحوصلہ افزاء فیصداضافے کے بعدگرائوٹ ،غیرملکی سیاحوںکی آمدمیں90فیصدکمی
عالمگیر وبا ء کی ایک اور لہر کے دہانے پر،کچھ کہہ نہیں سکتے کہ مستقبل میں کیا ہوگا:محکمہ سیاحت
لازوال ڈیسک
سرینگر؍؍گزشتہ برس کے مقابلے میں امسال ملکی وغیرملکی سیاحوں کی آمد میں پہلے تین ماہ کے دوران 5گنااضافہ ریکارڈکیاگیا ،تاہم سال2020کی طرح ہی2021میں بھی کشمیرکی سیاحتی صنعت کوروناوباء سے اثرانداز ہورہی ہے کیونکہ کوروناکیسوں میں تیزی آنے کے بعدسیاحوں کی آمدمیں کمی واقعہ ہورہی ہے جبکہ امسال بھی کم قلیل تعدادمیں غیرملکی سیاح واردکشمیر ہوئے ہیں ۔محکمہ سیاحت کی جانب سے مرتب کردہ اعدوشمار میں بتایاگیاہے کہ گزشتہ برس جنوری ،فروری اورمارچ کے تین مہینوں کے دوران کل 17ہزار688سیاح واردکشمیرہوئے تھے ،جن میں 14052ملکی اورصرف 3636غیرملکی سیاح شامل تھے ۔امسال پہلے تین مہینوں کے دوران کل 92ہزار913سیاح کشمیر آئے ،جن میں 92559ملکی اورمحض 354غیرملکی سیاح شامل ہیں ،اس طرح سے گزشتہ سال کے مقابلے میں رواں برس غیرملکی سیاحوں کی کشمیر آمدمیں 90فیصدکمی ریکارڈکی گئی ۔غیر ملکی سیاحوں کی آمد میں کمی کی وجہ بیان کرتے ہوئی محکمہ سیاحت کے ایک افسر نے کہا کہ عالمی وبا کورونا وائرس کی وجہ سے وادء کشمیر میں سیاحت کا شعبہ کافی متاثر ہوا ہے۔ کئی ممالک میں ابھی بھی پابندیاں عائد ہیں جس وجہ سے وہاں کے لوگ سیر و تفریح کے لئے نہیں نکل پاتے ہیں۔محکمہ سیاحت کے مطابق امسال کشمیرآنے والے ملکی سیاحوں کی تعداد میں نمایاں اضافہ دیکھا جا رہا ہے۔جموں و کشمیر ٹوریزم ڈپارٹمنٹ کی جانب سے مرتب کئے گئے اعداد و شمار کے مطابق2021 کے پہلے3 ماہ میں وادی میں کل 92913 سیاح آ چکے ہیں۔ ان میں354 غیر ملکی ہیں جبکہ 92559 ملکی ہیں۔اعداد و شمار کے مطابق سب سے زیادہ سیاح مارچ کے مہینے میں وادی آئے ہیں،جن کی کل تعداد47593 ہے، جن میں47453 ملکی ،اورصرف140 غیر ملکی سیاح ہیں۔ جنوری کے مہینے میں 19102 سیاح واردکشمیر ہوئے ، جن میں 19042 ملکی اور 60 غیر ملکی تھے۔ فروری کے مہینے میںکل سیاح 26218 تھے جن میں 154 غیر ملکی ،اور 26064 ملکی سیاح تھے۔جہاں 2020 کے مقابلے2021 میں غیر ملکی سیاحوں کی تعداد میں 90 فیصد سے زائد کمی ریکارڈکی گئی، وہیں ملکی سیاحوں کی تعداد میں 425 فیصد سے زائد اضافہ ہوا ہے۔2020کے مارچ مہینے کی آخر تک کل 17688 سیاح وادی آئے تھے جن میں 14052 ملکی اور 3636 غیر ملکی سیاح تھے۔اس حوالے سے محکمہ سیاحت کے ایک سینئر آفیسر نے ایک نجی نیوز چینل کو بتاتا کہرواںسال ہمارے محکمہ سیاحت نے ملک کی دیگر ریاستوں میں جا کرتشہیری مہم چلائی۔ فروری مہینے میں کھیلوں انڈیا سرمائی کھیل منعقد کئے گئے۔ ان سب سے کافی فائدہ پہنچا اور ہم کشمیر میں دوبارہ سیاحت کے شعبے کو فروغ دے پائے۔محکمہ سیاحت کویہ اندیشہ لاحق ہے کہ کورونا کیسوں میں تیزی آنے کے بعدگزشتہ برس کی طرح امسال بھی سیاحتی صنعت اثرانداز ہوسکتی ہے ۔اپنے خدشات ظاہر کرتے ہوئے محکمہ سیاحت کے ایک افسرنے کہا کہ ہم سمجھ رہے تھے کہ اب سب بہتر ہوگا لیکن ہم اس وقت کورونا وبا ء کی ایک اور لہر کے دہانے پر ہیں۔ کچھ کہہ نہیں سکتے کہ مستقبل میں کیا ہوگا۔ گذشتہ برس بھی تین مہینوں (اپریل، مئی اور جون) تک یہاں ایک بھی سیاح نہیں آیا۔ اس سال تب بھی لوگ باغ گل لالہ دیکھنے آ رہے ہیں۔
