وسیم رضوی کی گرفتاری کا مطالبہ کیا،کہا پی ایس اے کے تحت مقدمہ درج کیا جائے
سرفرازقادری
مینڈھر//سب ڈویژن مینڈھر میں معروف سماجی کارکن دلشاد قادری کی قیادت میں ڈگری کالج کے طلبہ نے احتجاجی مظاہرہ کیاجہاں میندھر اسٹوڈنٹس یونین نے قرآن مقدس اور اس کے ابواب کو چیلنج کرنے والی نام نہاد درخواست کی شدید الفاظ میں مذمت کی۔اس دوران انہوں نے کہاکہ قران مقدس ایک الٰہی کتاب ہے جو امن اور بھائی چارے کی تعلیم دیتی ہے۔وہیں دلشاد قادری نے مظاہرین سے تبادلہ خیال کرتے ہوئے کہاکہ وسیم رضوی کے خلاف سخت کاروائی عمل میں لائی جائے ۔انہوں نے کہا کہ وسیم کے بیان سے مسلمانوںکے جذبات کو ٹھیس پہنچی ہے ۔ انہوں نے مزید کہا کہ قرآن پاک کے بارے میں کسی بھی قسم کی گستاخانہ حرکت عام طور پر انسانیت اور خاص طور پر مسلمانوں کے لئے ناقابل برداشت ہے اور جو بھی گستاخانہ فعل کرتا ہے ، تاریخ گواہ ہے کہ اس نے اس کا سخت نتیجہ دیکھا ہے۔ انہوں نے کہاکہ حکومت وسیم کوفوری گرفتار کرے اور پی ایس اے کے تحت مقدمہ درج کرے۔
