سمبل ونگی پورہ میں این آئی اے کا چھاپہ
لازوال ڈیسک
سرینگر؍؍ہندوارہ نارکوملی ٹنسی معاملے کی تحقیقات جاری رکھتے ہوئے قومی تحقیقاتی ایجنسی این آئی اے نے پیر کیی صبح شمالی کشمیر کے ضلع بانڈی پورہ کے علاقہ ونگی پورہ سمبل میں ایک رہائشی مکان اور ایک شاپنگ کمپلیکس پر چھاپہ مارا ۔معلوم ہواکہ این آئی اے کی ایک ٹیم مقامی پولیس اور سی آر پی ایف کے مشترکہ دستے کے ہمراہ سوموار کوصبح تقریباًساڑھے 9بجے ونگی پورہ سمبل پہنچی اورٹیم نے یہاں ایک رہائشی مکان کی تلاشی کارروائی شروع کی ،جوکئی گھنٹوں تک جاری رہی ۔ذرائع نے بتایا کہ ونگی پورہ میں شوکت پرے ولد عبدالاسلام پرے کے رہائشی مکان اور شاپنگ کمپلیکس کی تلاشی لی گئی اور اس دوران این آئی اے کی ٹیم نے یہاں کچھ دستاویزات کے علاوہ 2 عدد خراب موبائل فون کو اپنی تحویل میں لیلئے -خیال رہے شوکت پرے کو2 سال قبل منشیات فروشی کے ایک معاملے میں گرفتار کیا گیا تھا۔ حال ہی میں ضمانت پر رہا ہوئے تھے تاہم کچھ روز قبلشوکت پرے کو این آئی اے نے ہندواڑہ نارکو ملی ٹنسی کیس کے سلسلے میں ایک بار پھر حراست میں لے لیا اور پیرکی صبح اُس کے رہائشی مکان کے علاوہ شاپنگ کمپلیکس کی تلاشی لی گئی ۔بتایاجاتاہے کہ ونگی پورہ سمبل میں شوکت پرے کے رہائشی مکان اورتجارتی کمپلیکس پرچھاپے کامقصدمذکورہ ملزم کی جائیدادکی جانچ پڑتال کرنا تھا۔ذرائع نے بتایاکہ لگ بھگ 4 گھنٹے کی اس جانچ پڑتال کے بعد این آئی اے کی ٹیم نے شوکت پرے کے گھر سے کچھ دستاویزات کے علاوہ 2عدد خراب موبائل فون اپنے ساتھ لے گئی۔
