قرآن کریم ایک خدائی کلام ہے جسے اللہ نے نازل فرمایا ہے

حافظ محمد معشوق اشرفی نے وسیم رضوی کی حرکت کی سخت الفاظ میں مذمت کی
لازوال ڈیسک
پونچھ؍؍آج جمعہ المبارک کے موقع پر عوام اہلسنت سے خطبہ جمع سے قبل خطاب فرماتے ہوئے حضرت مولانا حافظ محمد معشوق اشرفی ضلع صدر آل انڈیا علماء ومشائخ بورڈ پونچھ ومہتمم مدرسہ اشرفیہ نورالاسلام کھنیتر پونچھ نے وسیم رضوی کے بیان اور عرضی کی سخت الفاظ میں مزمت کی اور کہا کہ قرآن کریم ایک خدائی کلام ہے جسے اللہ نے نازل فرمایا ہے اور حضرت محمد مصطفیٰ صلی اللہ علیہ وسلم پر نازل ہوا۔انہوں نے مزیدکہاکہ قرآن کریم کی حفاظت کا ذمہ خود خدائے تعالیٰ نے لیا ہے۔انہوں نے کہا کہ وسیم رضوی کافر ہو گیا ہے، اسے توبہ کرنی چاہیے اور ایسے گنائونی حرکت سے باز رہنا چاہیے جس سے کروڑوں مسلمانوں کے دل مجروح ہوئے ۔موصوف نے حکومت وقت سے مطالبہ کرتے ہوئے کہا کہ ایسے بدبخت شخص کو فور ی گرفتار کر کے جیل بھیجا جائے تاکہ ملک کا امن امان سلامت رہے ۔اس موقع پر عوام کی کافی تعداد موجود تھی اور مولانا موصوف نے عوام اہلسنت سے اپیل کرتے ہوئے کہا کہ ہر گھر میں حافظ قرآن بنائیں اور مدارس اہل سنت کو مضبوط کریں تاکہ زیادہ سے زیادہ تعداد میں حفاظ کرام کو تیار کیا جائے۔وہیں محفل کا اختتام صلاۃو سلام اوردعا پر ہوا۔