یواین آئی
نئی دہلی؍؍راجیہ سبھا میں پیر کو تین ارکان نے حلف لیا جن میں دو گجرات اور ایک آسام سے منتخب ہوئے ہیں۔ایوان کی کارروائی شروع ہونے پر گجرات سے بھارتیہ جنتاپارٹی سے منتخب دنیش چندر اور رام بھائی موکریا نے حلف لیا۔ مسٹر دنیش چندر نے سنسکرت اور مسٹر موکریا نے ہندی میں حلف لیا۔آسام سے منتخب وشوجیت دیماری نے آسامی میں حلف لیا۔ بعد میں ارکان نے ان کا استقبال کیا۔ یہ سبھی ارکان حال ہی میں راجیہ سبھاکے لئے منتخب ہوئے تھے۔
