سری نگر،// مغربی بنگال کی وزیر اعلیٰ ممتا بینرجی کے بی جے پی سے تعلق رکھنے والے مخالف امیدوار سووندو ادھیکاری کو ہدف تنقید بناتے ہوئے نیشنل کانفرنس کے نائب صدر اور سابق وزیر اعلیٰ عمر عبداللہ نے کہا ہے کہ بی جے پی کے لیڈروں کے مطابق دفعہ کی تنسیخ کے بعد کشمیر جنت بن گیا ہے تو مغربی بنگال کو کشمیر بننے میں کیا حرج ہے۔
انہوں نے کہا کہ بنگالی لوگ کشمیر سے بہت محبت کرتے ہیں اور کافی تعداد میں یہاں آتے ہیں۔
بتادیں کہ مغربی بنگال کی نندی گرام اسمبلی نشست کے بی جے پی امیدوار سووندو ادھیکاری نے ایک جلسے سے خطاب کے دوران کہا ہے کہ اگر ترنامول کانگریس دوبارہ بر سر اقتدار آئے گی تو مغربی بنگال کو کشمیر بن جائے گا۔
