یواین آئی
کابل؍؍امن مذاکرات کے لیے تشکیل افغانستان کے اعلیٰ کونسل کے صدر عبداللہ عبداللہ نے کہا ہے کہ عالمی برادری اور خطے کے ممالک کو دوحہ میں ہوئے مذاکرات کے تحت امن بحالی کے لیے طالبان پر دبائو ڈالنا چاہیے۔ مسٹر عبداللہ نے کہا،’ہم عالمی برادری اور علاقے کے ممالک سے طالبان پر دبائو ڈالنے اور امن کے مواقع کا فائدہ اٹھانے کے لیے اسے مجبور کرنے کی اپیل کرتے ہیں‘۔ انہوں نے طالبان کے ساتھ فروری 2020 میں ہوئے معاہدے کا جائزہ لینے امریکی فیصلے کا خیرمقدم کیا۔ انہوں نے کہا،’ہمیں امید ہے کہ امریکہ افغانستان کے حالات کی بنیاد پر فیصلہ کرے گا۔ ہم نارتھ اٹلانٹک ٹریٹی آرگنائزیشن (نیٹو) کے رکن ممالک کے حالیہ فیصلوں کا خیرمقدم کرتے ہیں۔ انہوں نے ملک میں پرتشدد کاروائی بڑھنے کی مذمت کرتے ہوئے کہا کہ اس سے امن مذاکرات کو نقصان پہنچتا ہے۔
