شرکأ شمالی کشمیر میں غیر معروف علاقوں کو کھوجیں گے
سری نگر//ناظم سیاحت کشمیر ڈاکٹر جی این اِیتو نے آج رائل سپرنگس گالف کورس میں ایکسٹریم 4×4 مہم کو روانہ کیا۔
مہم جو شمش آبادی کے کے آر پار سے معروف ہے آج شروع ہوئی اور یکم مارچ 2021ء کو اختتام پذیر ہوگی ۔مہم کے دوران شمالی کشمیر کے دشوار گزار و پہاڑی راستوں سے گزر کر کپواڑہ قصبہ ، نستہ ژھن ، تنگڈھار ، فرکیہ گلی ، کیرن ، زردارا گلی ، مژھل، وٹلب سے ہوتے ہوئے سری نگر پہنچے گی۔
اس مہم کا اہتمام وینڈر بیانڈ بائونڈریز نے جموں و کشمیر ٹوراِزم ، سی ای اے ٹی اور ٹیرائن فٹ کے اشتراک سے دیہی سیاحت کو فروغ دینے کے لئے کیا جارہا ہے ۔
اس مہم میں ملک کے متعدد شہروں سے لگ بھگ 14 ایڈونچر حصہ لیں گے جو مشکل علاقوں میں 4×4 گاڑیاں چلائیں گے اور اس علاقے میں خوبصورت لیکن کم معلوم جگہوں کی تعبیر کریں گے۔
اِس موقعہ پر ناظم سیاحت نے اپنے خیالات کا اِظہار کرتے ہوئے کہا کہ محکمہ نے کشمیر کے معلوم اور نامعلوم مقامات کی تشہیر کے لئے پروگراموں کا سلسلہ شروع کیا ہے۔
ناظم سیاحت نے کہا کہ یہ مہم متعدد سیاحت کی مصنوعات میں جے کے کی بڑی صلاحیت کو فروغ دینے کے ہمارے پروموشنل پروگراموں کا ایک حصہ ہے۔ شرکأ دیہی علاقوں کی تلاش کریں گے اور اس سے ہمیں ایڈونچر اور دیہی سیاحت دونوں کو اُجاگر کرنے میں بھی مدد ملے گی۔
انہوں نے کہاکہ محکمہ سیاحوں اور مقامی لوگوں کو شامل کرنے کے لئے تہواروںکا سلسلہ بھی اہتمام کر رہا ہے۔
ناظم سیاحت نے کہا کہ وہ 20 سے 21 ؍فروری تک پہلگام موسم سرما کارنیوال کا اِنعقاد کریں گے تاکہ اس علاقے کے ایڈونچر ، ثقافتی ، فن کو ظاہر کیا جاسکے اور موسم سرما کے مہینوں میں پہلگام کو بھی فروغ دیا جاسکے۔
دہلی سے آئے ہوئے اس مہم کے ٹیم کے رہنما سدھی سالگیم نے کہا کہ یہ سردیوں میں کشمیر میں اپنی نوعیت کی پہلی مہم ہے جس کے دوران شمالی کشمیر کے بیشتر خوبصورت دُور دراز علاقوں کی تلاش کی جائے گی۔
ہمارے پاس ایڈونچروں کی ایک پیشہ ور ٹیم ہے جو اس ایونٹ کے بارے میں حوصلہ افزائی کر رہی ہے۔
بنگلور سے تعلق رکھنے والے ایک سنتوش اوجھا نے کہا کہ یہ مہم اپنے آپ میں ایک انوکھا ہے کیوں کہ اس میں شمالی کشمیر کے کم دیکھنے والے خوبصورت مقامات شامل ہیں۔
زیادہ تر لوگ پہلگام ، گلمرگ اور سونہ مرگ جیسی مشہور مقامات پرسیا حت کرنے کے لئے جاتے ہیں لیکن اتنے ہی اور خوبصورت مقامات ہیں جن کو فروغ دینے کی ضرورت ہے۔ ہم ان مقامات کی کھوج کرنا چاہتے ہیں اور انہیں ایڈونچر سے دِلچسپی رکھنے والے نمایاں کرنا چاہتے ہیں۔
اس موقعہ پر سیکرٹری آر ایس جی سی جاوید بخشی ، ڈپٹی ڈائریکٹر ٹوراِزم رجسٹریشن احسان چشتی کے علاوہ دیگر افسران بھی موجود تھے۔
