ادب سے جڑناہے تو گوگل سے نہیں کتابوں سے استفادہ کرنا ہوگا:ڈاکٹر علمدار عدم
ریاض ملک
منڈی؍؍منڈی تحصیل کمپلیکس میں یوم جمہوریہ کی مناسبت سے تحصیل انتظامیہ کے اشتراک سے جموں وکشمیر اکیڈمی آف ارٹ کلچر اینڈ لنگویجز کے دفتر راجوری کی جانب سے تحصیل کمپلکس منڈی میں محفل مشاعرہ کا اہتمام کیاگیا۔ محفل میں منڈی اور پونچھ سے شعراء حضرات کے ساتھ ساتھ دیگر معززین نے بھی شرکت کی جہاںبلاک ڈیولپمنٹ کونسل چیئرپرسن شمیم احمد گنائی مہمان خصوصی کے طور شریک ہوئے۔ علاوہ پیر پنچال عوامی ڈیولپمنٹ فرنٹ کے چیئر مین محمد فرید ملک نے بھی محفل میں شرکت کی ۔وہیں مہمان ذی وقار کے طور پر تحصیلدار منڈی شہزاد احمد خان شریک ہوئیجبکہ پروگرام کی صدارت بزرگ شاعر الحاج نزیر حسین بھٹی نے کی۔اس موقع پرلیکچرر نازک خورشید کرمانی، نزیر حسین بھٹی، محتشم احتشام، سلیم تابش، عشرت حسین بھٹ، سبطین انصاری، نیاز کرمانی حیدر، پرویز احمد ،شاہد رضااوراکبر علی بانڈے نے یوم جمہوریہ کے حوالے سے اپنااپنا تازہ کلام پیش کیا۔ وہیںمحفل کے آغازمیں شمیم احمد گنائی نے تمام شعراء اور مہمانوں کو مبارک باد پیش کرتے ہوئے ان کی سراہنا کی۔اس موقع پرکلچرل اکیڈمی سے ڈاکٹر علمدار عدم نے نوجوانوں پر زور دیاکہ منشیات کو چھوڑ کر ادب کی جانب آناہوگاجس کے لئے گوگل نہیں بلکہ کتابوں سے استفادہ حاصل کرنا ہوگا۔
