مختلف ادبی،سماجی وصحافتی اِداروں کا اِظہارِ تعزیت ،عالمی تحریک اُردوکاتعزیتی اجلاس پروفیسر کو خراج پیش
لازوال ڈیسک
جموں؍؍جامعہ ملیہ اسلامیہ کے شعبہ اردو کے سابق صدر اور اردو ادب کے مشہور نقاد اور محقق پروفیسر حنیف کیفی کا ہولی فیملی اسپتال میں بدھ صبح ساڑھے دس بجے انتقال ہوگیا۔ان کے بیٹے ادیب الاطفال محمد سراج عظیم کے مطابق ان کو 24 جنوری کو ہولی فیملی کے آئی سی یو میں داخل کرایا گیا تھا جہاں وہ جاں بر نہ ہوسکے اور بدھ کی صبح ساڑھے دس بجے داعی اجل کو لبیک کہا۔ڈاکٹر حنیف کیفی کا جامعہ میں سن 1972 میں لکچرر کی حیثیت سے تقرر ہوا تھااور سن 1998 میں صدر شعبہ اردو کی حیثیت سے سبکدوش ہوئے۔پروفیسر حنیف کیفی کی پیدائش سن 1934 میں اتر پردیش کے شہر بریلی میںہوئی تھی۔پروفیسر حنیف کیفی ایک سلجھے ہوئے نقاد و محقق تھے انکی پہلی تحقیقی کتاب اردو شاعری میں سانٹ تھی اور دوسری معرکت العارا کتاب اردو میں نظم معرا ازاد نظم ہے۔جس کی ادبی دنیا مین بہت پذیرائی ہوئی۔کیفی صاحب تقریبا پندرہ کتابوں کے مصنف تھے۔ان کے پسماندگان میں اہلیہ ،ادیب الاطفال سراج عظیم ،پروفیسر قمر سلیم ،قیصر نعیم ،معراج وسیم ،رضوان حشیم، منہاج مستقیم اور امریکہ میں فائز تمیم صاحبزادگان ہیں۔ ان کی ایک بیٹی اور بیٹے کا انتقال پہلے ہوچکا ہے۔عالمی تحریک اردو نے جامعہ ملیہ اسلامیہ کے شعبہ اردو کیسابق صدر اور اردو ادب کے مشہور نقاد اور محقق پروفیسر حنیف کیفی کے انتقال پر دکھ کا اظہار کیا ہے۔عالمی تحریک اردو کی طرف سے جاری پریس بیان کے مطابق پروفیسر کیفی کا ہولی فیملی اسپتال میں بدھ صبح ساڑھے دس بجے انتقال ہوگیا۔ ان کو 24 جنوری کو ہولی فیملی کے آئی سی یو میں داخل کرایا گیا تھا جہاں وہ جاں بر نہ ہوسکے اور بدھ کی صبح ساڑھے دس بجے داعی اجل کو لبیک کہا۔عالمی تحریک اردو کے صدر ڈاکٹر ذاکر ملک بھلیسی نے کیفی کے بیٹے اور ادیب الاطفال محمد سراج عظیم کے ساتھ رابطہ کرکے ان کے ساتھ تعزیت کا اظہار کیا اور پروفیسر کیفی کے انتقال پر اپنا دکھ ظاہر کیا۔ ڈاکٹر ذاکر ملک نے تحریک کیتمام اراکین کی جانب سے محمد سراج عظیم کیساتھ تعزیت کا اظہار کیا اور دعا کی کہ اللہ تعالی پروفیسر کیفی کو جنت میں اعلی مقام عطا کرے۔ ڈاکٹر ملک نے بتایا کہ پروفیسر کے انتقال سے اردو ادب میں ایک خلاء پیدا ہوگیا ہے جس کو پر کرنا مشکل ہے۔اس دوران اِدارہ لازوال نے مرحوم کوشاندارخراجِ عقیدت پیش کرتے ہوئے اُن کی مغفرت کیلئے دعاکی۔اِدارہ نے ’لازوال بچپن‘کے مدیراور مرحوم پروفیسر حنیف کیفی کے صاجزادے محترم سیراج عظیم کیساتھ گہری ہمدردی کااِظہارکرتے ہوئے اللہ تعالیٰ سے دعاکی کہ وہ اُنہیں صبرِ جمیل عطافرمائے۔
