نئی دہلی //ملک میں دوسرے دن بھی جان لیوا اورمہلک ترین کورونا وائرس’کووڈ19‘ کے 18 ہزار سے زیادہ نئے کیسز رپورٹ ہوئے ہیں ، جبکہ اس موذی وبا کو شکست دینے والے مریضوں کی تعداد میں مسلسل اضافے سے فعال کیسز کی شرح کم ہوکر 2.14 فیصد رہ گئی ہے۔
اتوار کو وزارت صحت کی جانب سے جاری تازہ ترین اعداد و شمار کے مطابق گذشتہ 24 گھنٹوں کے دوران ملک میں کورونا وائرس کے 18،645 نئے کیسز رپورٹ ہوئے جس سے متاثرین کی تعداد ایک کروڑ چار لاکھ 50 ہزار سے تجاوز کر گئی۔ اسی دوران 19،299 مریضوں کی شفایابی سے صحت مند مریضوں کی تعداد ایک کروڑ 75 ہزار 950 ہوگئی۔ فعال کیسز کی تعداد 855 سے گھٹ کر 2.23 لاکھ رہ گئی ہے۔ اسی عرصے میں 201 مزید مریضوں کی موت کے ساتھ ہلاک شگان کی مجموعی تعداد بڑھ کر 1،50،999 ہوگئی ہے۔
ملک میں کورونا سے شفایابی کی شرح 96.42 فیصد تک جا پہنچی ہے جبکہ اموات کی شرح کم ہوکر 1.44 فیصد رہ گئی ہے۔
