بدھل نیو سے پارٹی اُمیدوارنصرین اختر کی جیت حوصلہ افزا،عوام کا شکریہ:چوہدری ذولفقارعلی
لازوال ڈیسک
کوٹرنکہ؍؍اسمبلی حلقہ درہال بدھل کے ڈی ڈی سی حلقہ انتخاب بدھل نیو سے اپنی پارٹی کی امیدوار نصرین اختر نے جیت درج کی ہے نصرین اختر نے سابقہ کابینہ وزیر ٹھاکر پورن سنگھ کی بہؤ کو ہرا کر کامیابی حاصل کی ہے ۔اس کامیابی پر اپنی پارٹی کے نائب صدر وسابقہ کابینہ وزیر چوھدری ذوالفقار علی نے مسرت کا اظہار کیا ہے اورنصرین اختر کو مبارکباد پیش کی چوھدری ذوالفقار علی کی اہلیہ بھی بدھل اولڈ اے سے اپنی پارٹی کی امیدوار تھی ۔جنہوں نے 5095 ووٹ حاصل کئے لیکن جیت حاصل نہیں کرپائیں تاہم اسمبلی حلقہ درہال بدھل میں آپنی پارٹی نے مضبوطی پکڑلی ہے ۔چوھدری ذوالفقار علی نے اپنے بیان میں کہا کہ بدھل نیو سے بھاری اکثریت سے اپنی پارٹی کی امیدوار کو وؤٹ ملا ہے جبکہ بدھل اولڈ اے سے بھی کافی وؤٹ حاصل کیا ہے ۔انہوں نے بدھل اولڈ اے اور بدھل نیو کے تمام وؤٹران جنہوں نے اپنی پارٹی کے حق میں ووٹ ڈالا سب کا شکریہ ادا کرتے ہوئے کہا کہ لوگوں نے مجھے جو پیار دیا ہے میں عوام کے پیار کا مشکور ہوں ۔انہوں نے کہا کہ میں نے اپنے دور اقتدار میں کوئی فرق نہیں چھوڑا تاہم ابھی بھی بہت ساری مشکلات ہیں جن کے ازالہ کے لئے میں ہمیشہ ساتھ رہوں گا ۔
