ہر طبقے کی عوام نے ووٹ دیا سب کا مشکور : چوہدری عبد الغنی عوام کی دعائوں کا نتیجہ عوام کے سامنے : ڈاکٹر نازیہ غنی
اعجازالحق بخاری ؍شہزاد بٹ
پونچھ ؍؍ پونچھ پونچھ و سائیں باباننگالی بلاک سے جیت حاصل کرنے کے بعد آج یہاں پونچھ میں کانگریس امیدوار ۔چوہدری عبد الغنی ،و صاحبزادی ڈاکٹر نازیہ غنی کے اعزاز میں حمایتیوں کے جم غفیر نے عوامی ریلی کا انعقاد کیا ۔ جس میں کانگریس کے ضلع لیڈرو ں نے شرکت کی ۔اس موقعہ پر عوام سے خطاب کرتے ہوئے چوہدری عبد الغنی ضلع ترقیاتی کونسل ممبر پونچھ بلاک، نے کہا کہ عوامی حمایت کے عوام کا مشکور ہوں اور اللہ تبارک و تعالی شکر ادا کرتاہوں کے اُس نے مجھے اپنی مخلوق کی خدمت کے لئے چناہے ۔ انہوںنے کہا میں تمام ووٹروں کا مشکور ہوں ہر طبقے کی عوام نے مجھے ووٹ دیا اور اللہ ہمیں کامیابی دی ۔عوام نے فرقہ پرست طاقتوں کو مونھ توڑ جواب دیا ہے اور میں عوام کو یقین دلاتا ہوں ہر موقعہ پر عوام کا ساتھ دونگا عوامی خدمت کا سلسلہ جاری رہے گا بلالحاظ مذہب و ملت عوامی خدمات انجام دونگا ۔ وڈاکٹر نازیہ غنی ضلع ترقیاتی کونسل ممبر سائیں باباننگالی بلاک نے کہا میں سب سے پہلے اللہ رب العزت کا شکر یہ ادا کرتی ہوں اور میں اور میرے والد صاحب ملکر عوام کی خدمت کریں گے ۔انہوںنے کہا عوامی خدمت کے لئے ہمارے دروازے ہر وقت کھلے ہیں ۔ عوام نے ہمیں جتنا پیار محبت دیا ہے اس کا اندازہ نہیں تھا لیکن عوام نے ہم سے بہت پیار کیا اور ہمیں اپنی خدمت کے لائق سمجھا جوکہ ہمارے لئے اعزاز کی بات ہے ۔ اس موقعہ پر دونوں ممبروں نے کارکنان کا شکریہ ادا کیا
