مرکزی ایڈیشنل سیکرٹری نے جموںوکشمیر میںعمل آوری کا جائزہ لیا
لازوال ڈیسک
جموں؍؍ایڈیشنل سیکرٹری محکمہ وسائل وزارت برائے دیہی حکومت ہند ایچ ایس مینانے آج ڈیجیٹل اِنڈیا لینڈریکارڈس ماڈرنزنائزیشن پروگرام کی پیش رفت کا جائزہ لینے کے لئے ایک میٹنگ کی صدارت کی۔میٹنگ میں فائنانشل کمشنر مال ، چیف ایگزیکٹیو آفیسر ،جموںوکشمیر لینڈ ریکارڈ منیجمنٹ نے شرکت کی۔دوران میٹنگ ایڈیشنل سیکرٹری نے افسروں کو حکومت ہند کے مقررکردہ قووعد و ضوابط ہی لینڈ ریکارڈس کی ڈیجیٹائزیشن عمل میں لائی جانی چاہیئے ۔ اُنہوں نے کہا کہ ڈی آئی ایل آر ایم پی کا مقصد اراضی ریکارڈس کے جدید ترین نظام کا قیام ہے ۔ دوران میٹنگ پروگرام منیجمنٹ یونٹ کو تشکیل دینے ، ڈی آئی ایل آر ایم پی کی تفصیل ، 2014ء کے دوران تین مرحلوں یعنی محکمہ مال کے دستاویزات ، نقشہ جات کی سکیننگ ، گرائونڈ کنٹرول پوائنٹ کا قیام اور ویب پر مبنی انٹراپرائزز، جیو انفارمیشن سسٹم کی عمل آوری پر غور و خوض ہوا ۔پروجیکٹ کی تفصیل پیش کرتے ہوئے فائنانشل کمشنر نے کہا کہ 692.20لاکھ(98.18فیصد) محکمہ مال کے دستاویزات کی سکیننگ مکمل کی گئی ہے جبکہ 52341 ( 98.18 فیصد) نقشہ جات کی سکیننگ بھی مکمل ہو چکی ہے ۔جموں اور سری نگر کے اضلا ع کے 2000ریوینو میپس کی ڈیجیٹلائزیشن مکمل ہوچکی ہے جبکہ 3895گرائونڈ کنٹرول پوائنٹ سروے اور دو بارہ سروے کے لئے بھی قائم کئے گئے ہیں۔ اس کے ساتھ ہی آئی ٹی محکمہ مال محکمہ کے ڈیٹا سینٹر کا قیام بھی عمل میں لارہا ہے۔واضح رہے کہ جمعبندیوں کی اَپ ڈیشن تک سروسے اور ری سروے کے لئے کی فوری ضرورت ہے ۔یوٹی کے تمام اضلا ع کی جمعبندیوں کے لئے ڈیجیٹلائزیشن سی اور آر ایس نیٹ ورک پر مبنی ٹیکنالوجی کے استعمال سے تکمیل کے حتمی مرحلے میں ہیں ۔ میٹنگ میں جموںوکشمیرکے صوبائی کمشنران سنجیو ورمن اور پانڈورانگ کے پولے ، ضلع ترقیاتی کمشنر جموں سشما چوہان ، ریجنل ڈائریکٹر سروے اینڈ لینڈ ریکارڈ س جموں مشتاق احمدچودھری ، کمشنر سروے اینڈ لینڈ ریکارڈس شاہنواز بخاری ، ایڈیشنل کمشنرسینٹرل جموں ، ریشپال سنگھ اور دیگر متعلقہ سینئر اَفسران بھی موجود تھے۔
