کشتواڑ کے بلاک درابشالہ اے اور درابشالہ بی میں 69.89 فیصدووٹنگ
بابر فاروق
کشتواڑ؍؍ڈی ڈی سی اور پنچایت ضمنی انتخابات 2020 کا ساتواں مرحلہ اختتام پذیر ہوا۔ ساتویں مرحلے کے تحت ضلع کشتواڑ کے بلاک درابشالہ اے اور بی میں پولنگ ہوئی۔ موسم کی بہتر صورتحال کے ساتھ ساتھ انتظامیہ اور سکیورٹی انتظامات کے سخت انتظامات کے دوران انتخابات دو حلقوں میں آسانی سے مکمل ہوئے۔ اس مرحلے میں پولنگ ضلع کے دو ڈی ڈی سی حلقوں کے علاوہ درابشالہ اے کی ایک سرپنچ خالی نشست کے لئے اور درابشالہ بی میں ایک خالی پنچ نشست کے لئے ہوئی۔ اس مرحلے میں درابشالہ اے ڈی ڈی سی حلقہ کے لئے کل 8864 ووٹروں کا اندراج ہوا تھا اور دروبشلہ ڈی ڈی سی حلقہ کے لئے کل 11810 ووٹر رجسٹرڈ تھے۔درابشالہ اے میں ڈی ڈی سی پولنگ کا ٹرن آئوٹ %71.9ور درابشالہ بی ڈی ڈی سی حلقہ میں %67.28 رہا ، اس کے علاوہ درابشالہ اے میں سرپنچ سیٹ کے لئے ٹرن ا?و?ٹ %46.97 اے اور درابشالہ بی کی پنچ سیٹ کے لئے %69.23 ٹرن آئوٹ رہا۔ واضح رہے کہ گذشتہ روز سخت سیکیورٹی اور رسد کے دیگر انتظامات کے درمیان 53 پولنگ پارٹیاں روانہ کردی گئیں تھیں جس میں درابشالہ اے کیلئے 27 پارٹیاں اور درابشالہ بی ڈی ڈی سی حلقوں کے لئے 26 پولنگ پارٹیاں شامل تھیں۔ درابشالہ -اے ڈی ڈی سی حلقہ کے لئے دس امیدوار میدان میں ہیں اور سات امیدوار درابشالہ بی ڈی ڈی سی حلقہ کے لئے میدان میں ہیں۔ درابشالہ اے ڈی ڈی سی حلقہ کے لئے مجموعی طور پر 13090 ووٹرز رجسٹرڈ تھے اور درابشالہ بی ڈی ڈی سی حلقہ کے لئے کل 9434 ووٹرز رجسٹرڈ تھے۔ڈی ڈی سی الیکشن پر موثر نگرانی کو یقینی بنانے کے لئے ، ڈی پی ای او کشتواڑ نے مختلف پولنگ اسٹیشنوں کا معائنہ کیا اور ڈی ڈی سی انتخابات کے ہموار اور پریشانی سے پاک انعقاد کے لئے سیکیورٹی اور دیگر انتظامات کا بھی جائزہ لیا۔اس موقع پر ان کے ہمراہ اسسٹنٹ کمشنر ریونیو کشتواڑ ڈاکٹر عامر حسین ، تحصیلدار درابشالہ ارون شرما ، بی ڈی او مغل میدان ارون کمار بڈیال ، بی ڈی او درابشالہ سوبیا فاطمہ شاد کے علاوہ دیگر عہدیدار بھی موجود تھے۔
