جی ایم سی جموں کو دو فرسٹ رسپانس وہیکل فراہم کی گئیں
لازوال ڈیسک
جموں؍؍کوڈ 19 کے امدادی کاموں کے سلسلے میں جاری سی ایس آر اقدامات کے حصے کے طور پر موٹرسائیکل اور سکوٹر بنانے والی دنیا کی سب سے بڑی صنعت کار ہیرو موٹو کارپ نے گورنمنٹ میڈیکل کالج اور اسپتال جموں کو دو خصوصی طور پر ڈیزائن کردہ فرسٹ رسپانس وہیکل عطیہ کیں۔ اس موقع پر یہ گاڑیاں ڈاکٹر دارا سنگھ میڈیکل سپرنٹنڈنٹ ، گورنمنٹ میڈیکل کالج اور اسپتال جموں کے حوالے کردی گئیں۔یہ انوکھی اور مفید گاڑیاں دیہی اور دور دراز علاقوں کے مریضوں تک پہنچنے اور آرام سے انہیں قریبی اسپتالوں میں منتقل کرنے کے لئے کارآمد ثابت ہوں گی۔ ان کو ہیرو موٹو کارپ کی طاقتور ایکسٹریم 200R کے طور پر اپنی مرضی کے مطابق بنایا گیا ہے۔ایف آر ویز کو مکمل اسٹریچر کے ساتھ لیس کیا گیا ہے جس میں ایک فولڈ ہڈ سائیڈ ، ضروری طبی سامان جیسے ایک علیحدہ فرسٹ ایڈ کٹ ، آکسیجن سلنڈر ، آگ بجھانے والا سامان اور دیگر حفاظتی خصوصیات جیسے ایل ای ڈی فلاشر لائٹس ، فولڈ بیکن لائٹ ، ایمرجنسی وائرلیس عوامی اعلان کا نظام اور سائرن بھی شامل ہیں۔اس سلسلے میںہیرو موٹو کارپ کے چیف انفارمیشن آفیسر وجے سیٹھی نے کہا کہ ہیرو موٹر کارپوریٹ دیہی اور دور دراز علاقوں میں مریضوں کی مدد کے لئے مختلف ریاستوں میں فرنٹ لائن ہیلتھ اہلکاروں کو ایف آر وی مہیا کررہا ہے اور ان میں تمام ضروری طبی سازوسامان رکھے گئے ہیں جو مریضوں کو ہنگامی امداد کی پیش کش کرتے ہیں جنہیں اسپتال منتقل کرنے کی ضرورت ہوتی ہے۔انہوں نے مزید کہا کہ اب تک ہیرو موٹر کارپ نے راجستھان ، یوپی ، گجرات ، آندھرا پردیش ، مہاراشٹرا ، میزورم اور ایچ پی سمیت مختلف ریاستوں میں 47گاڑیاں فراہم کی ہیں۔
