سری نگر، 6 اکتوبر (یو این آئی) لداخ میں منگل کی علی الصبح ہلکے درجے کے زلزلے کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے۔
ریکٹر اسکیل پر زلزلے کی شدت 5 اعشاریہ 1 ریکارڈ کی گئی ہے اور اس کا مرکز لداخ کا ہی کوئی علاقہ تھا جبکہ اس کی گہرائی دس کلو میٹر درج ہوئی ہے۔
نیشنل سینٹر فار سیسمولوجی کے مطابق منگل کی علی الصبح قریب پانچ بجکر 13 منٹ پر زلزلے کے جھٹکے محسوس کئے گئے۔
