سری نگر، 15 ستمبر (یو این آئی) جنوبی کشمیر کے ضلع پلوامہ کے کاکہ پورہ علاقے میں سیکورٹی فورسز اور جنگجوؤں کے درمیان جاری تصادم میں دو فوجی اہلکار زخمی ہوئے ہیں۔
سرکاری ذرائع نے بتایا کہ پلوامہ کے مرول کاکہ پورہ میں سیکورٹی فورسز اور جنگجوؤں کے درمیان جاری تصادم میں دو فوجی اہلکار زخمی ہوئے ہیں جنہیں علاج ومعالجہ کے لئے ہسپتال منتقل کیا گیا ہے۔
قبل ازیں ذرائع کے مطابق جنگجوؤں کے چھپنے کی اطلاع موصول ہونے پر فوج کی 50 آر آر، سی آر پی ایف اور پولیس کی ایک مشترکہ ٹیم نے مرول کو منگل کی صبح محاصرے میں لے کر تلاشی آپریشن شروع کیا۔
انہوں نے کہا کہ تلاشی آپریشن اس وقت تصادم آرائی میں تبدیل ہوا جب ایک جگہ پناہ لئے جنگجوؤں نے ایک تلاشی ٹیم پر اندھا دھند گولیاں برسائیں۔
