ریاض ملک
منڈی؍؍ منڈی تااعظم آباد سڑک پر ایتوار کے روز ایک تیز رفتار ٹاٹامیجیک حادثہ کا شکار ہوگیا۔جس کے نتیجہ میں پانچ افراد زخمی ہوئے ہیں۔جنہیں سب ضلع ہسپتال منڈی میں پولیس اور مقامی لوگوں کی مدد سے پہنچایاگیا۔جہاں ان کا بنیادی علاج کیا گیا۔ذرائع کے مطابق ٹاٹامیجیک زیر نمبر JK12A-6269 اعظم آباد سے منڈی کی جانب تیز رفتاری سے آرہاتھا۔ اور ڈرائیور نے زور دار طریقے سے ڈیک ٹیپ ریکارڈر لگارکھاتھا کہ اچانک گاڑی سڑک سے نیچے اتر گئی اور نیچے جاگری۔نتیجہ میں پانچ افراد زخمی ہوئے۔ زحمیوں میں شامل زائد مغل ولد محمد بشیر عمر سولہ سال ساکنہ اتولی ،عبدالمجید ولد عبدالکریم عمر 40 سال ساکنہ اتولی، شمیم اِختر زوجہ منیر حسین عمر 40سال چھاترو،زویدہ بی زوجہ منظور حسین عمر 50 سال ساکنہ چھاترو،مقصود احمد ولد سید محمد عمر 40 سال ساکنہ اتولی ہیں۔
