بھاجپا اس دن پر چھٹی کیلئے لڑتی رہی لیکن ا ب خاموشی تشویشناک:بھانو پرتاپ سنگھ گوریہ
لازوال ڈیسک
جموں؍؍ڈوگرہ نوجوان (جنتا کی آواز ) نے یہاںجموں میں ایک احتجاجی مظاہرہ کرتے ہوئے جموں وکشمیر انتظامیہ سے اپیل کی کہ مہاراجہ ہری سنگھ کے یوم پیدائش کے موقع پر چھٹی کا اعلان کیا جائے ۔بھانو پرتاپ سنگھ گوریہ کی قیادت میں احتجاج کر رہے مظاہرین نے حکومت کے خلاف نعرے بازی کی ۔وہیں ذرائع ابلاغ سے بات کرتے ہوئے بھانو نے کہاکہ تئیس ستمبر کو ہر شخص چاہتا ہے کہ چھٹی کی جائے ۔انہوںنے کہاکہ کئی برسوں سے عوام مطالبہ کر رہی ہے کہ مہاراجہ ہری سنگھ کے یوم پیدائش پر چھٹی کا اعلان کیا جائے ۔انہوںنے سوالیہ عائد کرتے ہوئے کہاکہ بھاجپا اس معاملہ میں کیوں خاموش ہے جبکہ بھاجپا اس سے قبل اس دن پر چھٹی کیلئے لڑتی آ رہی ہے ۔انہوںنے مزید کہاکہ اب بھاجپا اقتدار میں ہے اور خاموشی تشویش کن ہے ۔ا سموقع پر وکرانت شرما، نکھل شرما، ارون مہرا، کپل دیو مہرا، آکاش مینیا و دیگران موجو دتھے ۔
