یواین آئی
نئی دہلی؍؍مکیش امبانی کی ریلائنس جیو پیر کو ‘نئے انڈیا کا نیا جوش’ نام سے نیا جیو فائبر پلان لائی ہے جس کے تحت جو بھی گاہک اس سے جڑے گا اسے لامحدود ڈاٹا کے ساتھ 30دن تک سبھی خدمات مفت دی جائیں گی۔کمپنی کے مطابق اس میں اسپیڈ بھی زیادہ 150ایم بی پی ایس ملے گی۔ فری ٹرائل میں اپلوڈ اور ڈاؤن لوڈ دونوں اسپیڈ کو ایک جیسا یعنی 150ایم بی پی ایس رکھا گیا ہے ۔ساتھ ہی فری ٹرائل کے لئے گاہک کو 4ککے سیٹ ٹاپ باکس اور 10او ٹی ٹی ایپس کا فری سبسکرپشن بھی ملے گا۔ایک مہینے کے فری ٹرائل کے بعد گاہک کسی بھی ایک پلان کا انتخاب کرسکتا ہے ۔ نئے انڈیا کا نیا جوش ،ٹیرف پلان 399 روپے فی ماہ سے شروع ہوکر 1499روپے فی ماہ تک ہوگا۔ فری ٹرائل کے بعد گاہک جیو فائبر کا کنیکشن کٹوا بھی سکتا ہے ۔اس کے لئے کوئی بھی پیسہ نہیں کاٹا جائے گا۔پلان کے تحت 399 روپے فی ماہ والے پلان میں 30 ایم بی پی ایس کی اسپیڈ ملے گی۔ بازار میں یہ پلان سب سے سستے پلانس میں سے ایک مانا جارہا ہے ۔ اس پلان میں کسی بھی قسم کے او ٹی ٹی کا سبسکرپشن نہیں ملے گا۔ 399 روپے کی طرح 699 روپے والے پلان میں بھی او ٹی ٹی ایپس نہیں ملیں گے لیکن اسپیڈ 100 ایم بی پی ایس ہوجائے گی۔ ورک فرام ہوم کے لئے 699 روپے والا پلان سب سے موزوں ہے ۔اس منصوبے میں 999 روپے اور 1499 روپے والے پلان میں او ٹی ٹی ایپس کی بھرمار ہے اور 999 روپے میں 150 ایم بی پی ایس اسپیڈ کے ساتھ 1000 روپے کی قیمت کے 11 او ٹی ٹی ایپس کا سبسکرپشن ملے گا۔ وہیں 1499 روپے والے پلان میں 1500 روپے کی قیمت ککے 12 او ٹی ٹی ایپس ملیں گے ۔ ٹی وی اور نیٹ پر مہیا پروگراموں ،فلموں اور گیمنگ کے شوقین لوگوں کے لئے یہ پلان خاص طورپر ڈیزائن کیئے گئے ہیں۔جیو فائبر پلان پر تبصرہ کرتے ہوئے ریلائنس جیو کے ڈائریکٹر آکاش امبانی نے کہا،‘‘ جیو فائبر سے ایک لاکھ سے زیادہ گھر جڑے ہوئے ہ یں اور یہ ملک کا سب سے بڑا فائبر نیٹ ورک ہے لیکن ہندوستان اور ہندوستانیوں کے لئے ہمارا ویژن اس سے کہیں زیادہ بڑا ہے ۔ہم فائبر کو ہر گھر میں لے جانا چاہتے ہیں اور کنبے کے ہر رکن کو اس سے جوڑنا چاہتے ہیں ۔ جیو کی وجہ سے موبائل کنیکٹی ویٹی میں ہندوستان سب سے بڑا اور سب سے تیزی سے بڑھنے والا ملک بن گیا ہے ،اب جیو فائبر ہندوستان کو دنیا میں براڈ بینڈ کے معاملے میں آگے لے جائے گا اور 1600 سے زیادہ شہروں اور قصبوں میں براڈ بینڈ ہوگا۔میں سبھی سے اپیل کرتا ہوں کہ ہندوستان کو دنیا کا براڈ بینڈ لیڈر بنانے کے لئے جیو فائبر سے جڑیں۔’’نئے انڈیا کا نیا جوش ،پلان کی ایک خوبی اور ہے کہ اس سمیں اپلوڈ اور ڈاؤن لوڈ کو برابر رکھا گیا ہے ۔عام طورپر اپلوڈ اسپیڈ ڈاؤن لوڈ سے کافی کم ہوتی ہے ،لیکن جیو فائبر کے نئے پلانس میں پلان کے مطابق جس بھی اسپیڈ کی پیش کش کی جارہی ہے وہ اپلوڈ اور ڈاؤن لوڈ دونوں کے لئے یکساں ہوگی۔
