توہین مذہب کے خلاف بل لائے سرکار : مظاہرین
حافظ قریشی
کٹھوعہ ؍؍ کٹھوعہ کی بنی تحصیل میں رسول اللہ کی شان میں گستاخی کرنے والوں کیخلاف بنی میں احتجاجی مظاہرے کئے گئے ۔گاؤں چنڈھیار اور بنی کے لوگوں نے بنی اور چنڈھیار میں احتجاج کیا مظاہرین کا کہنا تھا کہ پیغمبرِ اسلام کی شان میں توہین قطعاً برداشت نہیں کی جائے گی ۔انہوں نے پولیس سے مطالبہ کیا کہ شر پسند عناصر لوگوں کے خلاف سخت کارروائی عمل میں لائے جو سماج اور ملک کیلئے امن نہیں چاہتے ہیں۔ انہوں نے کہا کہ جو سماج کو اور ملک میں پھوٹ ڈالنے کا کام کرتے ہیں انکو بھارت میں رہنے کا کوئی حق نہیں ہے۔ بھلے ہی پولیس ان شر پسند عناصر لوگوں کو گرفتار کیا ہے لیکن مسلمانوں کا غصہ اس کارروائی کے بعد بھی کم نہیں ہو رہا ہے اور امت مسلمہ اس معاملہ میں سخت کارروائی چاہتے ہیں ۔انہوںنے کہا کہ جو بھی کسی بھی مذہب کو برا کہتے ہیں انکو پھانسی دینے کا سرکار قانونی بل جلد لے آئے تاکہ اس شر پسند عناصر لوگوں کی زبان کو لگام لگ سکے ۔
