نئی دہلی، 8 اگست (یو این آئی) بہت چھوٹی، چھوٹی اور درمیانے درجے کی صنعتوں کے مرکزی وزیر نتن گڈکری نے ہفتے کے روز تاجروں سے معیشت کی ترقی میں تعاون دینےکی اپیل کی اور کہا کہ صنعتوں کو 115 ضرورت مند اضلاع پر توجہ دینی چاہئے۔مسٹر گڈکری نے کنفیڈریشن آف انڈین انڈسٹری کی انڈیا ایٹ 75 سمٹ:مشن 2022 کو ویڈیو کے ذریعے خطاب کرتے ہوئے کہا کہ ملک کے 115 خواہش مند اضلاع میں چھوٹی صنعتوں کو فوری طور پر فروغ دینا ضروری ہے۔معیشت میں ان اضلاع کی شراکت داری نہ ہونے کے برابر ہے، لیکن اگر ان کا بھی خیال رکھا جائے تو ان میں بہت زیادہ امکانات موجود ہیں۔
