سری نگر، 3 اگست (یو این آئی) کانگریس کے سینئر لیڈر اور سابق مرکزی وزیر پروفیسر سیف الدین سوز کا کہنا ہے کہ وہ بدستور اپنے گھر میں نظربند رکھے گئے ہیں اور پولیس نے ان کے گیٹ پر اندر سے تالا لگا دیا ہے۔
موصوف نے پیر کے روز اپنے ایک بیان میں کہا: ‘آنریبل سپریم کورٹ کے سامنے 30 جولائی 2020 کے روز حکومت نے مسلسل یہ کہا تھا کہ میں یعنی سیف الدین سوز آزاد شہری ہیں اور مجھ پر کوئی پابندی نہیں لگائی گئی ہے! میں نے فوراً اس بات کی تردید کی تھی اور کہا تھا کہ میں بدستور 5 اگست 2019 سے گھر میں زیر حراست ہوں اور میرا باہر جانا ناممکن ہے’۔
انہوں نے کہا: ‘ریاست کے اندر اور باہر کئی مبصرین نے سوال اٹھایا تھا کہ سپریم کورٹ کے سامنے جھوٹ بولنے کی آزادی کس طرح دی گئی تھی۔
