منہال علاقہ سے گولہ بارود برآمدکرنے کا دعویٰ
عمران خان
تھنہ منڈی؍؍ 38 راشٹریہ رائیفلز و جموں کشمیر پولیس نے تھنہ منڈی کے علاقے منہال میں کارڈن اینڈ سرچ آپریشن (سی اے ایس او) کے دوران عسکریت پسندوں کے ایک ٹھکانے کا پردہ چاک کیا۔ سینئر سپرنٹنڈنٹ پولیس راجوری ، چندن کوہلی نے بتایا کہ تھنہ منڈی کے علاقے منہال میں عسکریت پسندوں کے ایک پرانے ٹھکانے کی مشتبہ موجودگی کے بارے میں پولیس کو اطلاع ملی جس کے بعد راجوری پولیس ، اسپیشل آپریشن گروپ اور 38 راشٹریہ رائفلز کی ٹیموں نے ایک کارڈن اینڈ سرچ آپریشن شروع کیا۔ منگل کو شام کے اواخر میں۔پورے علاقے کو گھیرے میں رکھا گیا تھا اور بدھ کی صبح کے اواخر میں تلاشی کا آغاز کیا گیا۔ جس کے دوران گھنے جھاڑیوں کے ایک حصے کے نیچے قائم عسکریت پسندوں کے ایک ٹھکانے کا پتہ چلا۔ ایس۔ایس۔پی نے مزید کہا کہ 01 پی۔کے رائفل ، 01 چینی پستول ، 01 لوکل پستول ، 01 اے کے میگزین ، 02 پستول میگزین ، 168 پکا راؤنڈ ، 47 اے کے راؤنڈ ، 04 پستول راؤنڈ ، 02 یو بی جی ایل دستی ، 01 بینوکولر ، 08 گولہ بارود بیلٹ ، 01 اینٹینا اور 01 آپریشن کے دوران چھپے ہوئے ٹھکانے سے ٹیپ ریکارڈر برآمد کیا گیا ہے۔”علاقے کی تلاش ابھی جاری ہے اور ایس ڈی پی او تھنہ منڈی سجاد خان کے ساتھ ایس ایچ او فرید احمد اور فوج کے راشٹریہ رائفلز کے کمانڈنگ افیسر کرنل آر۔ایس۔مان آپریشن کی نگرانی کر رہے ہیں۔
