سابق فوجی نے اپنے ہی بندوق سے اپنی زندگی تمام کردی

یواین آئی

جموں؍؍جموں وکشمیر کے ضلع پونچھ کے مینڈھر علاقے میں ہفتے کے روز ایک سابق فوجی، جس نے بعد ازاں ڈیفنس سروس کورپس جوائن کی تھی، نے اپنی ہی بندوق سے اپنی زندگی تمام کردی۔متوفی کی شناخت بشیر احمد ساکنہ سلانی مینڈھر کے بطور ہوئی ہے۔سرکاری ذرائع نے بتایا کہ بشیر احمد 4 جموں و کشمیر لائٹ انفنٹری (جیکلی) کے سابق حوالدر تھے اور بعد میں انہوں نے ڈیفنس سروس کورپس جوائن کی تھی۔انہوں نے کہا کہ بشیر احمد کو فوری طور پر ہسپتال منتقل کیا گیا جہاں ڈاکٹروں نے انہیں مردہ قرار دیا۔دریں اثنا ایس ایچ او مینڈھر منظور کوہلی نے واقعے کی تصدیق کرتے ہوئے کہا کہ اس سلسلے میں تحقیقات شروع کر دی گئی ہیں۔