کورونا ویکسین تیار کرکے مفت فراہم کریں گے :ڈونلڈ ٹرمپ
یواین آئی
واشنگٹن ؍؍امریکی صدر ڈونلڈ ٹرمپ نے عالمی وبا کورونا وائرس (کووڈ -19) کے خلاف لڑائی میں ہند – امریکہ شراکت داری کو اہم قرار دیتے ہوئے ہندوستان کو وینٹی لیٹر فراہم کرنے کا اعلان کیا ہے ۔ساتھ ہی امریکہ کے صدر ڈونلڈ ٹرمپ نے امید ظاہر کی ہے کہ رواں برس کے آخر تک کورونا کی ویکسین تیار کرلی جائے گی اور اسے مفت فراہم کرنے پر غور کیا جا رہا ہے ۔ تاہم امریکی سائنسدانوں نے کہا ہے کہ اس سال ویکیسن کی بڑے پیمانے پر فراہمی کاامکان نہیں ہے ۔مسٹر ٹرمپ نے جمعہ کے روز ٹویٹ کیا‘‘ مجھے یہ اعلان کرتے ہوئے فخر محسوس ہو رہا ہے کہ امریکہ اپنے دوست ہندوستان کو وینٹی لیٹر دے گا ۔ اس وبا کے دوران ہم ہندوستان اور وزیر اعظم نریندر مودی کے ساتھ کھڑے ہوئے ہیں ۔ ہم کووڈ -19 کی ویکسین تیار کرنے کی سمت میں بھی تعاون کر رہے ہیں ۔ ہم ساتھ مل کر اس دشمن کو ھرائیں گے ’’۔ مسٹر ٹرمپ نے کہا کہ ہندوستان اور امریکہ کووڈ -19 کا ٹیکہ تیار کرنے کی سمت میں ایک دوسرے کے ساتھ تعاون کر رہے ہیں ۔ ہم ساتھ مل کر اس پوشیدہ دشمن کو ھرائیں گے ۔ واضح رہے کہ ہندوستان نے اپریل میں کووڈ -19 کے خلاف لڑائی میں امریکہ کی ا مداد کے تحت ھائیڈرو کسی کلوروکوین ادویات کی بڑی کھیپ بھیجی تھی ، جس کے بعد مسٹر ٹرمپ نے مسٹر مودی کی قیادت کو مضبوط قرار دیتے ہوئے ان کی تعریف کی تھی اور ہندوستان کا شکر ادا کیا تھا ۔ واضح ر ہے کہ امریکہ میں یہ وبا خوفنا شکل اختیار کر چکی ہے اور اب تک 14 لاکھ سے زائد افراد اس سے متاثر ہو چکے ہیں ۔ ہندوستان میں بھی کورونا کے کیسز کافی تیزی سے بڑھ رہے ہیں اور متاثرین کی تعداد چین سے زائد ہو گئی ہے ۔جان ہاپکنز یونیورسٹی کے سائنس اور انجینئرنگ سینٹر (سي ایس ایس ای ) کی جانب سے جاری کئے گئے تازہ اعداد و شمار کے مطابق امریکہ میں کوروناوائرس سے ہلاک ہونے والوں کی تعداد 87 ہزار سے بڑھ کر 87427 پہنچ گئی ہے جبکہ متاثرین کی تعداد 14 لاکھ کا ہندسہ تجاوز کر کے 1441172 ہو گئی ہے ۔امریکہ کے صدر ڈونلڈ ٹرمپ نے امید ظاہر کی ہے کہ رواں برس کے آخر تک کورونا کی ویکسین تیار کرلی جائے گی اور اسے مفت فراہم کرنے پر غور کیا جا رہا ہے ۔ تاہم امریکی سائنسدانوں نے کہا ہے کہ اس سال ویکیسن کی بڑے پیمانے پر فراہمی کاامکان نہیں ہے ۔وائٹ ہاوس میں میڈیا سے بات کرتے ہوئے امریکی صدرنے ویکسین کی تیاری میں تیزی لانے کے لئے ‘آپریشن وارپ اسپیڈ’ کااعلان کیا جس کی سربراہی چیف سائنسدان ا ور امریکی فوج کے جنرل کریں گے ۔امریکی صدر نے ویکسین کی تیاری کو مین ہٹن پروجیکٹ کے بعد امریکی تاریخ کی وسیع پیمانے پر سائنسی، صنعتی اور لاجسٹکس کی کوشش قرار دیا۔مین ہٹن پروجیکٹ دوسری جنگ عظیم کے دوران ایک ریسرچ اور ڈیولپمنٹ کا کام ہے جس سے پہلے بار جوہری ہتھیار تیار کیے گئے تھے ۔ان کا کہنا تھا کہ ویکسین تیار ہو یا نہ ہو امریکہ معمول کی جانب واپس لوٹ رہا ہے اور واپسی کا عمل شروع کیا جاچکا ہے ، یہ بہت ضروری ہے ۔
