ایک دِن میں31مزیدکے اضافے کیساتھ اب تک 247 مریض شفایا ب
لازوال ڈیسک
جموں؍؍حکومت نے کہا ہے کہ پچھلے چوبیس گھنٹوں کے دوران کورونا وائرس کے 25نئے مثبت معاملات سامنے آئے ہیںاوراِن سبھی مریضوں کا تعلق کشمیر صوبے سے ہے اور اس طرح مثبت معاملات کی کل تعداد639تک پہنچ گئی ہے۔حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ نوول کورونا وائرس کے 639 مثبت معاملات سامنے آئے ہیں جن میں سے 384سرگرم معاملات ہیں ۔ 8 0کی موت واقع ہوئی ہے ۔ اب تک 247اَفراد شفایاب ہوئے ہیں۔علاوہ ازیں اب تک 71,837افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ ان میں 8,109 اَفراد کو ہوم کورنٹین میں رکھا گیا ہے جس میں سرکار کی طرف سے چلائے جارہے کورنٹین مراکز بھی شامل ہیں ۔ اس کے علاوہ185 اَفراد کو ہسپتال کورنٹین میں رکھا گیا ہے۔384کو ہسپتال آئیسولیشن میں رکھا گیا ہے جبکہ 8,430 اَفراد کو گھروں میں نگرانی میں رکھا گیا ہے۔اسی طرح بلیٹن کے مطابق54,721اَفرادنے 28روزہ نگرانی مدت پوری کی ہے۔بلیٹن میں مزید کہا گیا ہے کہ اب تک 21,695ٹیسٹوں کے نتائج دستیاب ہوئے ہیں جن میں سے یکم؍مئی 2020ء کی شام تک 21,056نمونوں کی رِپورٹ منفی پائی گئی ہے ۔اِس دوران آج مزید 31مزید مریض صحتیاب ہوئے ہیں کشمیر کے مختلف ہسپتالوں سے رخصت کیا گیا۔بلیٹن کے مطابق ضلع بانڈی پورہ میں اب تک 128 مثبت معاملات سامنے آئے ہی جن میں سے92 سرگرم معاملات ہیں ، 35 مریض صحتیاب ہوئے ہیںجبکہ ایک کی موت واقع ہوئی ہے۔اُدھر سری نگر میں اب تک کورونا وائرس کے 91 معاملات کی تصدیق ہوئی ہے جن میں سے 20 سرگرم معاملات ہیں ۔69 مریض صحتیاب ہوئے ہیں جبکہ02 کی موت واقع ہوئی ہے۔ضلع بارہمولہ میں اب تک کورونامریضوں کی تعداد 85ہوئی ہیں جن میں سے 56سرگرم معاملات ہیں اور03مریضوں کی موت واقع ہوئی ہیںاور 26صحتیاب ہوا ہے ۔اِدھر بڈگام میں کورونا وائرس سے متاثرہ افراد کی کُل تعداد اب تک21ہوئی ہیںجن میں سے 10سرگرم ہیں اور11اَفراد صحتیاب ہوئے ہیں ۔پلوامہ ضلع میں کووِڈ ۔19کے 7 معاملات کی تصدیق ہوئی ہے جن میں 4 سرگرم معاملات ہیں اور تین صحتیاب ہوئے ہیں۔ضلع شوپیان میں 74 مثبت معاملات سامنے آئے ہیں جن میں 57 سرگرم ہیں اور 17صحتیا ب ہوئے ہیںجبکہ کپواڑہ میں 55مثبت معاملات درج کئے گئے ہیں اور 36 سرگرم معاملات ہیں اور19صحتیاب ہوئے ہیں۔گاندربل میں کلو 14مثبت معاملات سامنے آئے ہیں جن میں8سرگرم معاملے ہیں جبکہ13 شفایاب ہوئے ہیں۔کولگام میں 11 مثبت معاملات پائے گئے ہیں ۔8سرگرم ہیںاور 3صحت یاب ہوئے ہیںاور اننت ناگ میں 95 مثبت معاملے سامنے آئے ہیںاور 94 سرگرم ہیں اور ایک کی موت واقع ہوئی ہے۔اسی طرح جموں میں وائر س کے 26مثبت معاملات پائے گئے ہیں جن میں سبھی صحت یاب ہوئے ہیں۔ اودھمپور ضلع میں اب تک کورونا مریضوں کی کُل تعداد 20 ہوئی ہیں جن میں سے 2معاملات سرگرم ہیں۔ 17صحتیاب ہوئے ہیں جبکہ ایک کی موت واقع ہوئی ہے۔دریں اثنأ راجوری ضلع میں کورونا کے اب تک 4 مریض پائے گئے ہیںجس میں ایک سرگرم اور تین صحتیاب ہوئے ہیں جبکہ سانبہ میں 04 مثبت معاملے کی تصدیق ہوئی ہے اور یہ سبھی شفایاب ہوئے ہیںاور کشتواڑ میں سامنے آیا ایک معاملہ پوری طرح سے صحتیاب ہوا ہے۔کٹھوعہ میں ایک مثبت معاملہ سامنے آیا ہے اور وہ سرگرم ہے۔بلیٹن میںکہا گیاہے کہ یہ ترتیب اُن ضلعوں کی ہے جہاں سے مریضوں کا پتہ لگا ہے یا جہاں وہ عارضی طور پر رہائش پذیر ہے۔حکومت کی جانب سے جاری ایڈوائزری میں لوگوں سے کہا گیا ہے کہ وہ ماسک کا استعمال کریں اور اپنی اور اپنے کنبے کی حفاظت یقینی بنائیں۔ایڈوائزری میں کہا گیا ہے کہ ماسک کے استعمال سے کورونا وائرس سے متاثرہ ہونے کے امکانات کم ہوتے ہیں ۔لوگوں سے کہا گیا ہے کہ وہ ماسک پہنتے وقت اس بات یقینی بنائیں کہ ماسک سے منھ اور ناک مکمل طور ڈھک جائیں اور ماسک اور منھ کے درمیان کوئی فاصلہ نہ رہے ۔لوگوں سے کہا گیا ہے کہ گھر میں تیار کی جانے والی ماسک بہتر رہتی ہے تاہم ایک دوسرے کی ماسک استعمال کرنے سے گریز کیا جانا چاہیئے ۔کنبے میں ہر کسی کا اپنا اپنا ماسک ہونا چاہیئے ۔ماسک کو استعما ل کرنے کے بعد اگر ضائع کرناہو تو اس کو مناسب طریقے پر ضائع کیا جانا چاہیئے ۔ دریں اثنا میڈیا بلیٹن میں جاری ایڈ وائزری میں کہا گیا ہے کہ کووِڈ۔19 ایک اِنتہائی پھیلنے والی بیماری ہے جو کسی کو بھی اپنی چپیٹ میں لے سکتی ہے اور اس سے بچنے کا بہتر طریقہ یہ ہے کہ وائرس سے دور رہ جائے۔ایڈوائزری میں لوگوں سے کہا گیا ہے کہ وہ بیماری سے بچنے کے لئے گھروں میں رہیں اور سماجی دُوری پر عمل کریں۔ذاتی صفائی ستھرائی کے حوالے سے ایڈوائزری میں لوگوں سے کہا گیا ہے کہ وہ بار بار صابن اور پانی سے ہاتھ دھوئیں اور کھانسی چھینکتے وقت اپنا منھ ڈھانپ لیں۔ایڈ وائزر ی میں لوگوں سے کہا گیا ہے کہ وہ کسی کے ایسے افراد کے رابطے میں نہ آئیں جو بخار یا کھانسی میں مبتلا ہو اور اگر کوئی بھی شخص بخار ، کھانسی میں مبتلا ہو اور اُسے سانس لینے میں مشکل آتی ہوتو وہ طبی صلاح و مشور ہ لیں۔ لوگوں سے کہا گیا ہے کہ وہ کووِڈ ۔19ہیلپ لائین نمبرات پر رابطہ قائم کرسکتے ہیں تاکہ انہیں ضرورت پڑنے پر صحیح طبی مشورہ دیا جاسکے۔ایڈ وائرزی کے مطابق تما م طرح کی سماجی ، مذہبی اور دیگر اجتماعات پر پابندی عائد ہے۔دریں اثنا لوگ کسی بھی ایمرجنسی کے دوران چوبیس گھنٹے کام کرنے والی مفت ایمبولنس خدمات سے اپنی دہلیز پر فائدہ اٹھا سکتے ہیں۔اس ایمبولنس خدمت کا ٹول فری نمبر ہے 108 ۔حاملہ خواتین اور بیمار بچے ٹول فری نمبر 102 پر کال کر کے مفت ایمبونس خدمات سے فائدہ حاصل کرسکتے ہیں۔ لوگ عام قومی سطح کے ٹول فری ہیلپ لائن نمبر 1075 پر رابطہ کرسکتے ہیں۔ 0191-2549676 ( جموں کشمیر کیلئے ) ،,0191-2674444,0191-2674115 0191-2520982 ( صوبہ جموں ) ، 0194-2440283 اور 0194-2430581 ( صوبہ کشمیر ) کیلئے قائم کئے گئے ہیں اور لوگ نوول کوروائرس سے متعلق جانکاری ان نمبرات پر حاصل کرسکتے ہیں۔لوگوں سے کہا کیا ہے کہ وہ حکومت کی طرف سے وقتاً فوقتاً جاری کی جانے والی ایڈوائزری پر سختی سے عمل کریں۔ لوگوں سے یہ بھی کہا گیا ہے کہ وہ سرکار کی جانب سے فراہم کی جانے والی جانکاری پر ہی بھروسہ کریں۔لوگوں سے کہا گیا ہے کہ وہ نہ افواہیں پھیلائیں اور نہ اُن پر کان دھریں۔
