جے پور، 29اپریل (یو این آئی) راجستھان کے وزیراعلی اشوک گہلوت نے معروف اداکار عرفان خان کے اچانک انتقال پر گہرے رنج و غم کا اظہار کیا۔
مسٹر گہلوت نے سوشل میڈیا کے ذریعہ گہرا دکھ ظاہر کرتے ہوئے کہا کہ ملک کے بہترین اداکاروں میں سے ایک مسٹر خان کے اچانک انتقال کے بارے میں معلوم ہونے سے دکھی اور غمزدہ ہوں۔
انہوں نے ان کے کنبہ، دوستوں اور مداحوں کے ساتھ ہمدردی کا اظہار کرتے ہوئے خدا سے انہیں اس دکھ کو برداشت کرنے کی طاقت دینے اور آنجہانی کی روح کو سکون دینے کی پرارتھنا کی۔
