قریب 100مختلف ویکسین تیار کئے جا رہے ہیں جو پری کلنیکل ٹرائل کے مرحلے میں ہیں:سومیا سوامی ناتھن
یواین آئی
جنیوا / نئی دہلی؍؍کورونا وائرس کووڈ۔19′ کے دنیا بھر میں 100مختلف ٹیکوں کی تیاری پر کام چل رہا ہے جن میں سات کا انسانوں پر تجربہ شروع ہو چکا ہے ۔عالمی ادارہ صحت (ڈبلیو ایچ او) کی اعلی سائنس داں سومیا سوامی ناتھن نے پیر کوکووڈ۔19 پر باقاعدہ پریس بریفنگ میں ایک سوال کے جواب میں یہ اطلاع دی۔ انہوں نے کہا قریب 100 مختلف ویکسین تیار کئے جا رہے ہیں جو پری کلنیکل ٹرائل کے مرحلے میں ہیں۔ ان میں سات ویکسینز کا انسانوں پر تجربہ چل رہا ہے ۔ ہم امید کرتے ہیں کہ ان 100 ویکسینز میں سے کچھ کووڈ۔19 کے لئے محفوظ اور متاثر کن ثابت ہوں گے ۔انہوں نے کہا کہ یہ تمام ممالک کے مفاد میں ہے کہ وہ مل کر کام کریں کیونکہ ہمیں نہیں معلوم کہ کون سا ویکسین کامیاب ہوں گے ۔ ہمیں یہ یقینی بنانا ہوگا کہ سب جگہ، تمام ممالک میں لوگوں کو ویکسین دستیاب ہو۔ڈاکٹر سوامی ناتھن نے کہا کہ ڈبلوایچ او ماہرین کے اپنے نیٹ ورک اور گروپوں کے ساتھ مل کر کام کرتا ہے ۔ ماہرین کے نیٹ ورک نے جنوری میں ہی کووڈ۔19 جانچ، فارماسیوٹیکل اور ویکسین پر کام کرنا شروع کر دیا تھا۔ یہ ایکسپورٹ پوری دنیا سے ہوتے ہیں۔ اس وقت قریب 1000ایکسپرٹ تنظیم سے جڑے ہوئے ہیں جو ویکسینز کے حیوانی ماڈل، نئے ویکسین کی مطلوبہ خصوصیات اور فارماسیوٹیکل اور ویکسین کے کلنیکل ٹرائل کے ڈیزائن پر کام کر رہے ہیں۔انہوں نے بتایا کہ کووڈ۔19کا علاج تلاش کرنے کے لئے ڈبلیو ایچ او کی قیادت میں شروع کئے گئے ‘سالیڈیرٹی ٹرائیل’ کے لئے 11 ممالک میں لوگوں کو رجسٹرڈ کیا گیا ہے ۔ اب تک 1600 مریض اس میں رجسٹرڈ ہو چکے ہیں اور بہت سے ممالک میں تیزی سے مریضوں کی رجسٹریشن کرنے کی امید ہے ۔ سو سے زیادہ ممالک نے اس میں اپنی دلچسپی ظاہر کی ہے اور اس سے جڑنے کے عمل میں ہیں۔ اس سے پتہ چلتا ہے کہ یہ صحیح معنوں میں عالمی آزمائشی ہے ۔
