لازوال ڈیسک
جموں؍؍سینئر وکیل پروفیسر بھیم سنگھ کی سربراہی میں انٹرنیشنل لیگل ایڈ کمیٹی اور عالمی امن کونسل نے کل یوکرین کے خلاف روسی جارحیت کے خلاف بین الاقوامی عدالت (آئی سی جے) کے ردعمل کی تعریف کی ہے۔ پروفیسر بھیم سنگھ نے آئی سی جے کے جواب کو سراہا جس میں یوکرین میں روسی فوجی مداخلت کو جارحیت قرار دیا گیا اور بین الاقوامی قانون سے منظور شدہ نہیں کیا۔پروفیسر بھیم سنگھ نے دی ہیگ میں بین الاقوامی قانون اور بین الاقوامی عدالت کے دائرہ اختیار کا مطالعہ کیا۔ انہوں نے لیگل ایڈ کمیٹی کی میٹنگ بلائی، جس میں جموں و کشمیر میں کام کرنے والے کئی سینئر وکلاء نے میٹنگ میں شرکت کی۔ وکلاء نے آئی سی جے کے فیصلے کی تعریف کی جس میں اس نے یوکرین میں روسی فوج کی مداخلت کو بین الاقوامی قوانین کی خلاف ورزی قرار دیا ہے۔ عدالت نے کہا کہ اسے کسی بھی مہذب قوم کی طرف سے جائز قرار نہیں دیا جا سکتا، جو بین الاقوامی قانون اور اقوام متحدہ کے چارٹر کی بالادستی پر یقین رکھتی ہو۔پروفیسر بھیم سنگھ نے جموں میں جے اینڈ کے ہائی کورٹ کے احاطے میں ایک نابینا وکیل مسٹر سورج سنگھ کے ساتھ ہمدردی کا اظہار کیا، جو جے اینڈ کے ہائی کورٹ میں کام کرنے والے وکلاء کے لیے مناسب رہائش کا مطالبہ کرتے ہوئے عدالت کے احاطے میں بھوک ہڑتال پربیٹھے ہیں۔
