سیکرٹری موصوف نے دیگر پنچایتو ں کو دیہی علاقوں میں بہتر کاوشیں انجام دینے کی تلقین کی
لازوال ڈیسک
جموں؍؍جموں وکشمیر یوٹی کو پنچایتی راج اداروں کے ذریعے گرام پنچایتوں کی سماجی و اقتصادی ترقی ، بچوں کے موافق اقدامات اٹھانے اور پنچایتی سطح پر رام پنچایت ڈیولپمنٹ منصوبہ جات تشکیل دینے اور عملانے کے لئے تین قومی ایوارڈوں سے نوازا گیا ہے۔یہ ایوارڈ مرکزی وزارت برائے پنچایتی راج نے ملک بھر کے اعلیٰ کارکردگی کا مظاہرہ کرنے کے سلسلے پنچایتی اداروں کو دئیے گئے ہیں تاکہ گرام سبھائوں کے اداروں کو مزید فعال بنایا جاسکے ۔ جن پنچایتوں کو اِن ایوارڈوں سے نوازا گیا ہے اُن میں ضلع راجوری کی جمولا پنچایت اور ڈانگری پنچایت اور ضلع بارہمولہ کی زلورہ بی پنچایت شامل ہے ۔اِن پنچایتوں کی کارکردگی کی سراہنا کرتے ہوئے محکمہ دیہی ترقی و پنچایتی راج کی سیکرٹری شیتل نندا نے دیگر پنچایتوں سے تاکید کی ہے کہ وہ بھی دیہی علاقوں میں رہنے والے لوگوںکو بہتر سہولیات فراہم کرتے ہوئے انہیں حکومت کی طرف سے چلائی جارہی سکیموں سے مستفید کریں ۔اُنہوں نے پنچایت جمولا لور کے سرپنچ اکس نثار ، ڈانگری پنچایت کے سرپنچ دھیرج کمار ،زلورہ ۔بی کے سرپنچ غلام احمد لون کو یہ ایوارڈ حاصل کرنے پر مبار ک باد دی۔ اُنہوں نے اِس سلسلے میں ضلع پنچایت آفیسر راجوری عبدالکبیر اور ضلع پنچایت آفیسر بارہمولہ یار علی کی اُن کوششوں کو بھی سراہا جن کی بدولت یہ ایوارڈ جموںوکشمیر کو حاصل ہوئے۔
