کشمیر میں کووِڈ۔19 سے15 مزید مریض صحتیاب ہوئے
لازوال ڈیسک
جموں؍؍حکومت نے کہا ہے کہ آج کورونا وائرس کے 18نئے مثبت معاملات سامنے آئے ہیںاور ان سبھی کا تعلق کشمیر صوبے سے ہیں۱وراس طرح جموںوکشمیر میں مثبت معاملات کی تعداد368تک پہنچ گئی ہے۔حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ نوول کورونا وائرس کے 368 مثبت معاملات سامنے آئے ہیں جن میں سے 292سرگرم معاملات ہیں ۔ 71مریض شفایاب ہوئے اور 5 0کی موت واقع ہوئی ہے ۔ اس کے علاوہ آج مزید 15مریض صحتیاب ہوئے ہیں جن میںسے 7کو جی ایم سی بارہمولہ ،06سکمز صورہ اور 02کوچسٹ ڈیزیز ہسپتال سری نگر سے رخصت کیا گیا۔علاوہ ازیں اب تک 61,774افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ ان میں 6,463 اَفراد کو ہوم کورنٹین میں رکھا گیا ہے جس میں سرکار کی طرف سے چلائے جارہے کورنٹین مراکز بھی شامل ہیں ۔ اس کے علاوہ229 اَفراد کو ہسپتال کورنٹین میں رکھا گیا ہے۔292کو ہسپتال آئیسولیشن میں رکھا گیا ہے جبکہ 20,115 اَفراد کو گھروں میں نگرانی میں رکھا گیا ہے۔اسی طرح بلیٹن کے مطابق34,670اَفرادنے 28روزہ نگرانی مدت پوری کی ہے۔بلیٹن کے مطابق 20؍اپریل 2020ء کی شام تک ,244 8نمونوں کی رِپورٹ منفی پائی گئی ہے ۔بلیٹن کے مطابق ضلع بانڈی پورہ میں اب تک 91 مثبت معاملات سامنے آئے ہی جن میں سے 74 سرگرم معاملات ہیں ، 16 مریض صحتیاب ہوئے ہیںجبکہ ایک کی موت واقع ہوئی ہے۔اُدھر سری نگر میں اب تک کورونا وائرس کے 79 معاملات کی تصدیق ہوئی ہے جن میں سے 54 سرگرم معاملات ہیں ۔24 مریض صحتیاب ہوئے ہیں جبکہ01 کی موت واقع ہوئی ہے۔ضلع بارہمولہ میں اب تک کورونامریضوں کی تعداد 44 ہوئی ہیں جن میں سے 41سرگرم معاملات ہیں اوردومریضوں کی موت واقع ہوئی ہیںاور ایک صحتیاب ہوا ہے ۔اِدھر بڈگام میں کورونا وائرس سے متاثرہ افراد کی کُل تعداد اب تک 13ہوئی ہیںجن میں سے 5سرگرم ہیں اور08اَفراد صحتیاب ہوئے ہیں ۔پلوامہ ضلع میں کووِڈ ۔19کے 3 معاملات کی تصدیق ہوئی ہے جن میں دو سرگرم ہیں اور ایک صحتیاب ہوا ہے ۔ضلع شوپیان میں 22 مثبت معاملات سامنے آئے ہیں جن میں 20 سرگرم ہیں اور دو صحتیا ب ہوئے ہیںجبکہ کپواڑہ میں 33مثبت معاملات درج کئے گئے ہیں اور 27 سرگرم معاملات ہیں اور6صحتیاب ہوئے ہیں۔ اسی طرح گاندربل اور کولگام میں بالترتیب 14اور 6 مثبت معاملات پائے گئے ہیںاور اننت ناگ میں 08 مثبت معاملے سامنے آئے ہیں۔اسی طرح جموں میں وائر س کے 26مثبت معاملات پائے گئے ہیں جن میں 22سرگرم ہیں اور 4 شفایاب ہوئے ہیں۔اودھمپور ضلع میں اب تک کورونا مریضوں کی کُل تعداد 20 ہوئی ہیں جن میں سے 14معاملات سرگرم ہیں۔ 5صحتیاب ہوئے ہیں جبکہ ایک کی موت واقع ہوئی ہے۔دریں اثنأ راجوری ضلع میں کورونا کے اب تک 4 مریض پائے گئے ہیںجس میں ایک سرگرم اور تین صحتیاب ہوئے ہیں جبکہ سانبہ میں 04 مثبت معاملے کی تصدیق ہوئی ہے اور یہ سب سرگرم معاملات ہیں اور کشتواڑ میں سامنے آیا ایک معاملہ پوری طرح سے صحتیاب ہوا ہے۔بلیٹن میںکہا گیاہے کہ یہ ترتیب اُن ضلعوں کی ہے جہاں سے مریضوں کا پتہ لگا ہے یا جہاں وہ عارضی طور پر رہائش پذیر ہے۔دریں اثنا میڈیا بلیٹن میں جاری ایڈ وائزری میں کہا گیا ہے کہ کووِڈ۔19 ایک اِنتہائی پھیلنے والی بیماری ہے جو کسی کو بھی اپنی چپیٹ میں لے سکتی ہے اور اس سے بچنے کا بہتر طریقہ ہے کہ وائرس سے دور رہ جائے۔ایڈوائزری میں لوگوں سے کہا گیا ہے کہ وہ بیماری سے بچنے کے لئے گھروں میں رہیں اور سماجی دُوری پر عمل کریں۔ذاتی صفائی ستھرائی کے حوالے سے ایڈوائزری میں لوگوں سے کہا گیا ہے کہ وہ بار بار صابن اور پانی سے ہاتھ دھوئیں اور کھانسی چھینکتے وقت اپنا منھ ڈھانپ لیں۔احتیاط کے طور پر ایڈوائزری میں کہا گیا ہے کہ اِنتظامیہ کی طرف سے نامزد کئے گئے ریڈ زون سے نہ تو کسی کو باہر آنے کی اجازت ہوگی اور نہ وہاں کسی کو جانے کی اجازت ہوگی۔ لوگوں سے اپیل کی گئی ہے کہ وہ دیگر علاقوںمیں بھی گھروں سے غیر ضروری طور باہر نہ آئیں اور اگر ضرورت پڑنے پر گھر سے باہر آنا پڑا تو ماسک کا استعمال کیا جانا چاہیئے ۔ ایڈ وائزری کے مطابق تمام عوامی مقامات اور کام کی جگہوں پر ماسک کا پہننا لازمی ہے۔ایڈوائزری میں کہا گیا ہے کہ مذہبی ، سماجی یا دیگر اِجتماعات پر مسلسل پابندی عائد رہے گی۔ بین ضلعی اور بین صوبائی نقل و حمل کی اِجازت نہیں ہوگی ۔طبی یا دیگر ایمرجنسی کی صورت میں اِجازت نامہ حاصل کرنے کے لئے ضلع ترقیاتی کمشنروں یا صوبائی کمشنروں کے ساتھ رابطہ قائم کریں۔ریڈ زونوں کو چھوڑ کر دیگر علاقوںمیں بنیادی / لازمی سرگرمیوں کی اِجازت ہوگی تاہم مناسب سینٹائزر ، سماجی دُوری اور ماسک کے اِستعمال کو یقینی بنائیں۔ایڈ وائزر ی میں لوگوں سے کہا گیا ہے کہ وہ کسی کے ایسے افراد کے رابطے میں نہ آئیں جو بخار یا کھانسی میں مبتلا ہو اور اگر کوئی بھی شخص بخار ، کھانسی میں مبتلا ہو اور اُسے سانس لینے میں مشکل آتی ہوتو وہ طبی صلاح و مشور ہ لیں۔لوگوں سے کہا گیا ہے کہ وہ کووِڈ ۔19ہیلپ لائین نمبرات پر رابطہ قائم کرسکتے ہیں تاکہ انہیں ضرورت پڑنے پر صحیح طبی مشورہ دیا جاسکے۔دریں اثنا لوگ کسی بھی ایمرجنسی کے دوران چوبیس گھنٹے کام کرنے والی مفت ایمبولنس خدمات سے اپنی دہلیز پر فائدہ اٹھا سکتے ہیں۔اس ایمبولنس خدمت کا ٹول فری نمبر ہے 108 ۔حاملہ خواتین اور بیمار بچے ٹول فری نمبر 102 پر کال کر کے مفت ایمبونس خدمات سے فائدہ حاصل کرسکتے ہیں۔ لوگ عام قومی سطح کے ٹول فری ہیلپ لائن نمبر 1075 پر رابطہ کرسکتے ہیں۔ 0191-2549676 ( جموں کشمیر کیلئے ) ،,0191-2674444,0191-2674115 0191-2520982 ( صوبہ جموں ) ، 0194-2440283 اور 0194-2430581 ( صوبہ کشمیر ) کیلئے قائم کئے گئے ہیں اور لوگ نوول کوروائرس سے متعلق جانکاری ان نمبرات پر حاصل کرسکتے ہیں۔لوگوں سے کہا کیا ہے کہ وہ حکومت کی طرف سے وقتاً فوقتاً جاری کی جانے والی ایڈوائزری پر سختی سے عمل کریں۔ لوگوں سے یہ بھی کہا گیا ہے کہ وہ سرکار کی جانب سے فراہم کی جانے والی جانکاری پر ہی بھروسہ کریں۔لوگوں سے کہا گیا ہے کہ وہ نہ افواہیں پھیلائیں اور نہ اُن پر کان دھریں۔
