رفتارمیں کچھ کمی سے راحت بھری اُمید جاگی
لازوال ڈیسک
جموں؍؍حکومت نے کہا ہے کہ آج کورونا وائرس کے 09نئے مثبت معاملات سامنے آئے ہیںاور ان میں 8کا تعلق کشمیر صوبے اور ایک کا تعلق جموں صوبے سے ہیں۱وراس طرح جموں وکشمیر میں مثبت معاملات کی تعداد350تک پہنچ گئی ہے۔حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ نوول کورونا وائرس کے 350 مثبت معاملات سامنے آئے ہیں جن میں سے 289سرگرم معاملات ہیں ۔ 56مریض شفایاب ہوئے اور 5 0کی موت واقع ہوئی ہے ۔ علاوہ ازیں اب تک 61,331افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ ان میں 5,939 اَفراد کو ہوم کورنٹین میں رکھا گیا ہے جس میں سرکار کی طرف سے چلائے جارہے کورنٹین مراکز بھی شامل ہیں ۔ اس کے علاوہ264 اَفراد کو ہسپتال کورنٹین میں رکھا گیا ہے۔289کو ہسپتال آئیسولیشن میں رکھا گیا ہے جبکہ 23,868 اَفراد کو گھروں میں نگرانی میں رکھا گیا ہے۔اسی طرح بلیٹن کے مطابق30,966اَفرادنے 28روزہ نگرانی مدت پوری کی ہے۔اس کے علاوہ مزید 05مریض صحتیاب ہوئے ہیں جن کو جے ایل این ایم ہسپتال سے رخصت کیا گیا۔ گیا۔بلیٹن کے مطابق 19؍اپریل 2020ء کی شام تک ,545 7نمونوں کی رِپورٹ منفی پائی گئی ہے ۔بلیٹن کے مطابق ضلع بانڈی پورہ میں اب تک 81 مثبت معاملات سامنے آئے ہی جن میں سے 69 سرگرم معاملات ہیں ، 11 مریض صحتیاب ہوئے ہیںجبکہ ایک کی موت واقع ہوئی ہے۔اُدھر سری نگر میں اب تک کورونا وائرس کے 79 معاملات کی تصدیق ہوئی ہے جن میں سے 56 سرگرم معاملات ہیں ۔22 مریض صحتیاب ہوئے ہیں جبکہ01 کی موت واقع ہوئی ہے۔ضلع بارہمولہ میں اب تک کورونامریضوں کی تعداد 43 ہوئی ہیں جن میں سے 41سرگرم معاملات ہیں اوردومریضوں کی موت واقع ہوئی ہیں۔اِدھر بڈگام میں کورونا وائرس سے متاثرہ افراد کی کُل تعداد اب تک 13ہوئی ہیںجن میں سے 6سرگرم ہیں اور07اَفراد صحتیاب ہوئے ہیں ۔پلوامہ ضلع میں کووِڈ ۔19کے 3 معاملات کی تصدیق ہوئی ہے جن میں دو سرگرم ہیں اور ایک صحتیاب ہوا ہے ۔ضلع شوپیان میں 22 مثبت معاملات سامنے آئے ہیں جن میں 20 سرگرم ہیں اور دو صحتیا ب ہوئے ہیںجبکہ کپواڑہ میں 31مثبت معاملات درج کئے گئے ہیں اور سبھی کے سبھی سرگرم معاملات ہیں ۔ اسی طرح گاندربل اور کولگام میں بالترتیب 14اور 6 مثبت معاملات پائے گئے ہیںاور اننت ناگ میں تین مثبت معاملے سامنے آئے ہیں۔اسی طرح جموں میں وائر س کے 26مثبت معاملات پائے گئے ہیں جن میں 22سرگرم ہیں اور 4 شفایاب ہوئے ہیں۔اودھمپور ضلع میں اب تک کورونا مریضوں کی کُل تعداد 20 ہوئی ہیں جن میں سے 14معاملات سرگرم ہیں۔ 5صحتیاب ہوئے ہیں جبکہ ایک کی موت واقع ہوئی ہے۔دریں اثنأ راجوری ضلع میں کورونا کے اب تک 4 مریض پائے گئے ہیںجس میں ایک سرگرم اور تین صحتیاب ہوئے ہیں جبکہ سانبہ میں 04 مثبت معاملے کی تصدیق ہوئی ہے اور یہ سب سرگرم معاملات ہیں اور کشتواڑ میں سامنے آیا ایک معاملہ پوری طرح سے صحتیاب ہوا ہے۔بلیٹن میںکہا گیاہے کہ یہ ترتیب اُن ضلعوں کی ہے جہاں سے مریضوں کا پتہ لگا ہے یا جہاں وہ عارضی طور پر رہائش پذیر ہے۔صحت و خاندانی بہبود کی مرکزی وزارت نے ایڈوائزری جاری کرتے ہوئے کہا ہے کہ سوڈیم ہائی پو کلورائیٹ جیسی ادویات کا اِنسانوں پر چھڑکائو نہیں کیا جانا چاہیئے ۔ایڈ وائزری میں کہا گیا ہے کہ اس طرح کے چھڑکائو لوگوں کی جسمانی اور نفسیاتی صحت پر منفی اثرات ڈال سکتے ہیں۔علاوہ ازیں کہا ہے کہ اگر کوئی شخص کووِڈ۔19 کے خطرے پر ہو تو اُس کے جسم پر یہ چھڑ کائو کرنے سے وہ وائرس نہیں مرے گا جو جسم کے اندر داخل ہوا ہو۔ایڈوائزری میں کہا گیا ہے کہ اس طرح کا چھڑکائو آنکھوں اور جلد کے لئے نقصان دہ ثابت ہوسکتا ہے۔کووِڈ۔19 کو شدید نقصان دہ قرار دیتے ہوئے ایڈوائزری میں مزید کہا گیا ہے کہ اس سے بچنے کے لئے لوگوں کو گھروں کے اندر رہنا چاہیئے اور سماجی دوری بنائی رکھنی چاہیئے۔ذاتی صفائی ستھرائی کے حوالے سے ایڈوائزری میں لوگوں سے کہا گیا ہے کہ وہ بار بار صابن اور پانی سے ہاتھ دھوئیں اور کھانسی چھینکتے وقت اپنا منھ ڈھانپ لیں۔لوگوں سے کہا گیا ہے کہ وہ ایسے افراد سے دوری بنائے رکھے جو کھانسی یا بخار میں مبتلا ہوں ۔اگر کسی شخص میں ان علامات کے علاوہ سانس لینے میں دِقت پیش آتی ہو تو اُسے کووِڈ۔19 ہیلپ لائین سے رابطہ کرنا چاہیئے تاکہ اس کو بروقت طبی سہولیت فراہم کی جاسکے۔ لوگوں سے کہا گیا ہے کہ وہ کووِڈ ۔19ہیلپ لائین نمبرات پر رابطہ قائم کرسکتے ہیں تاکہ انہیں ضرورت پڑنے پر صحیح طبی مشورہ دیا جاسکے۔دریں اثنا لوگ کسی بھی ایمرجنسی کے دوران چوبیس گھنٹے کام کرنے والی مفت ایمبولنس خدمات سے اپنی دہلیز پر فائدہ اٹھا سکتے ہیں۔اس ایمبولنس خدمت کا ٹول فری نمبر ہے 108 ۔حاملہ خواتین اور بیمار بچے ٹول فری نمبر 102 پر کال کر کے مفت ایمبونس خدمات سے فائدہ حاصل کرسکتے ہیں۔ لوگ عام قومی سطح کے ٹول فری ہیلپ لائن نمبر 1075 پر رابطہ کرسکتے ہیں۔ 0191-2549676 ( جموں کشمیر کیلئے ) ،,0191-2674444,0191-2674115 0191-2520982 ( صوبہ جموں ) ، 0194-2440283 اور 0194-2430581 ( صوبہ کشمیر ) کیلئے قائم کئے گئے ہیں اور لوگ نوول کوروائرس سے متعلق جانکاری ان نمبرات پر حاصل کرسکتے ہیں۔لوگوں سے کہا کیا ہے کہ وہ حکومت کی طرف سے وقتاً فوقتاً جاری کی جانے والی ایڈوائزری پر سختی سے عمل کریں۔ لوگوں سے یہ بھی کہا گیا ہے کہ وہ سرکار کی جانب سے فراہم کی جانے والی جانکاری پر ہی بھروسہ کریں۔لوگوں سے کہا گیا ہے کہ وہ نہ افواہیں پھیلائیں اور نہ اُن پر کان دھریں۔
