بفلیا ز میں سی ڈی پی اوکی قیادت میں راشن تقسیم
افتخار جعفری/آکاش ملک
سرنکوٹ ؍؍سی ڈی پی او بفلیاز کی جانب سے آنگن واڑی سینٹروں میں سوکھا راشن تقسیم کیا۔تفصیلات کے مطابق پنچایت بفلیاز بی میں متعلقہ سرپنچ کی زیر نگرانی میں آنگن واڑی سینٹروں میں راشن تقسیم کیا گیا ہے۔اس موقعہ پر حاملہ خواتین کو بھی راشن دیا گیا۔واضح رہے کہ آنگن واڑی سینٹروں میں پہلے خرد ونوش کا دیگر سامان بھی دیا جاتا تھا تاہم اس بار صرف چاول ہی سینٹروں کو دئے گئے ہیں۔اس دوران متعلقہ سرپنچ نے عوام سے اپیل کرتے ہوئے کہا کہ اس وقت پوری قوم کو متحد ہو کر کورونا وائرس کے خلاف لڑنے کی ضرورت ہے۔انہوں نے وزیر اعظم نریندر مودی کی جانب سے لئے گے لاک ڈاؤن کو توسیع والے فیصلے کا خیر مقدم کیا ہے اور کہا ہیکہ سماجی دوریاں اس وباء کا واحد علاج ہے۔انہوں نے مزید کہا کہ اس وقت ہمیں قوم کے طور پر اس وبائ سے لڑنا ہے۔انہوں نے صفائی و ستھرائی کے حوالے سے بھی موقعہ پر موجود خواتین کو متنبہ کیا اور کہا کہ اپنے ہاتھوں کو صابن سے اچھی طرح دھونے کے بعد ہی اہل و عیال کو کھانا کھلائیں۔
