کووڈ 19۔مذہبی رنگ دینے کی کوشش نہ کی جائے:عرفان پٹھان
لازوال ڈیسک
جموں معروف کرکٹر اور تیز گیند بازعرفان پٹھان نے موجودہ کووڈ 19کے پیش نظر اپنے ایک ٹویٹ پیغام میں کہا ہے کہ دنیا اس وقت کرونہ وائرس سے دو چار ہے اور کچھ عناصر اس مشکل کی گھڑی کا ناجائز استعمال کرتے ہوئے مذہبی منافرت کی بات کرتے ہیں۔انہوں نے مزید لکھا ہے کہ ہمیں ایسے حالات سے بیدار رہنے کی ضرورت ہے اور یہ ایک رانگ نمبر ہے۔واضح رہے پوری دنیا اس وقت کرونہ وائرس جیسی مہلک اور موزی بیماری سے پریشانی کے عالم میں ہے۔دنیا پر سپر پاور بننے والی طاقتین بے کس نظر آرہی ہیں اور کرونہ وائرس جو ایک انجان دشمن ہے کا علاج ڈھونڈنے میں کامیابی حاصل نہیں کر پارہی ہیں۔وہیں دوسری جانب وطن عزیز بھارت میں بھی اس بیماری نے کہرام مچا رکھا ہے جہاں مزدور اور دیہاڑی دار جو اپنے گھروں سے دور دوسری ریاستوں میں کام کر رہے تھے اب پیدل سفر باندھے اپنے گھروں کی جانب رواں دواں ہیں اور بھوک مری کا سا عالم بنا ہوا ہےتو دوسری جانب کچھ عناصر اس سنگین صورتحال میں بھی اپنی کم ذہنیت اور سوچ سے اس بیماری کو بھی مذہبی رنگ دینے کی کوششوں میں لگے ہوئے ہیں۔اسی سلسلہ میں ہندوستان کو معروف کرکٹر اور تیز گیند باز عرفان پٹھان نے ایسے عناصر کی جانب اپنے ٹویٹ پیغام میں اسے رانگ نمبر قرار دیا ہے اور ایسے معاملات سے گریز کرنے کی ہدایات جاری کی ہیں۔
