سحر فاؤنڈیشن نے کرونا وائرس کے بارے میں جھگی باشندوں کو آگاہی دی
لازوال ڈیسک
جموں؍؍چیئر پرسن سحر فاؤنڈیشن پریتی سحر مہاجن نے اپنے نائب صدر وکاس کمار ، کلونت سنگھ ، رضیہ شیخ ، نریندر سنگھ ٹھاکر اور ابراہیم خان کے ساتھ یہاں کوروناسے پیداشدہ خوف کے بیچ غریب غرباء کی خیرخیریت پوچھی اور جگھی جھونپڑی میں راہئش پذیر کنبوں میں ماسک اور ہاتھ دھونے والے صابن وغیرہ تقسیم کئے۔پریتی صحر ریلوے سٹیشن کے قریبی آباد جھگیوں میں اپنی ٹیم کے ہمراہ گئیں اور ان سے حال چال پوچھنے کے علاوہ جان لیواوباء سے بچنے او ر صفائی ستھرائی رکھنے کی تلقین کی۔اُنہوں نے کہاکہ کروناسے بچنے کیلئے ہمیں حکومت کی جانب سے بتائی جارہی باتوں کوغور سے سننااوران پرعمل کرناچاہئے۔اُنہوں نے کہاکہ اس وباء نے پوری دُنیامیں قہرڈھایاہواہے ،اِسے سنجیدگی سے لینے کی ضرورت ہے۔اُنہوں نے واضح کیاکہ خوفزدہ ہونے کے بجائے محتاط ہونالازمی ہے۔انہوں نے جھگی کے رہائشیوں سے اپنے بچوں کاخاص خیال رکھنے کی تلقین کی اور بھیڑ بھاڑ سے دور رہنے کیلے کہا۔انہوں نے انہیں احتیاطی تدابیر اختیار کرنے اور اس چیلنج کو ہمت کے ساتھ قبول کرنے کی تجویز پیش کی۔ اس تنظیم نے ان کے حوصلے بلند کیے اور ماسک ، صابن ، چکنائی اور دیگر ضروری اشیاء تقسیم کیں۔
